محاورة بين
عبدالله المشعلي و محمد سعيد المسعودي
عبدالله المشعلي=
عدد ما ناح ورق وعدد مـا لاح بـراق=الأ يـا مرحبـا بالضيـوف وبالرفـاقـه
لا جا ( المسعودي ) أجيبها طربٍ ومشتاق=وأقدمهـا كمـا سكـرٍ فــي در نـاقـه
محمد بن سعيد المسعودي=
يدوم بك البقا قلتها من كـل الأعمـاق=يقولـه واحـد مـا يفـرط فالصداقـه
أنا أشهد ما يفرج هموم الصدر لا ضاق=يكود الرفقـه اللـي معانيهـا وثاقـه
عبدالله المشعلي=
خذ الفنجال الأول وخل الكيف ينساق=ولا تنشد عن الليل واللي في سياقـه
وأنا ذواق وأنته تعرف لكـل الأذواق=وراع الذوق نقطف له من الورد باقه
محمد بن سعيد المسعودي=
أوايق مثل ذيب على راس الجبل واق=وأعود ضيقة الخاطر اسرقها سراقـه
وأنا ماني بوقف بها في كل الأسـواق=ولا أحب المعاني ليا صارت دقاقـه
عبدالله المشعلي=
ما دام الخد ميدان كيف تضيق الأفاق=وكل له مـعا بيـض الأيـام انطلاقه
أجي عملاق لا من وقفت بجنب عملاق =وأنا ما أقولهـا لا غـرور ولا حماقـه
محمد بن سعيد المسعودي=
ترى بعض العرب مخفي له موس حلاق=ولو يقدر على الروس يحلقهـا حلاقـه
وكل له طموح وعنـده هـم وأشـواق=ولكـن خلهـا بالـركـادة والـرواقـه
عبدالله المشعلي=
هذاك اللي لونها تخلا يدينه طلاق=بلشنا به لكن عاقه من والقت عاقه
أنا للخير مفتحاً وللشـر مغـلاق=لمني شفت لي واحد قطَاع ساقـه
محمد بن سعيد المسعودي=
بلاك اللي يوقف على بيبـان الأرزاق=ولا يدري عن الوقت وسعه من ضياقه
هذا رد البرى وأنت لك بالوقت ملحاق=يا حظ اللي لحق له مع الطيب لحاقه
عبدالله المشعلي=
ما تصفي لين حتى تشيل ( الغار أبو ساق )=لكن ما عاد لك فيـه تـال الوقـت طاقـه
صحيح يسابق أحـدث وقتـه كـل سبـاق=لا شك الوضع يبغـى السياسـه واللباقـه
محمد بن سعيد المسعودي=
صدمت جدار جارك وأنا خابرك سواق=وش اللي غيرك فالطبيعـه والسواقه
نصحتك منصح لك لكن شيــّـنت الأخلاق=ما دام أن ذا كلامك بلاش من العلاقـه
محاورة بين عبدالله المشعلي ومحمد سعيد المسعودي
العرض العادي
