الاخوه واعضا وزوار منتدى جاش
السلام عليكم ورحمة الله وبركاته
يوم الاربعاء الماضي توفى اخ عزيز على كل من يعرفه
فراج بن محمد الرباع الله يرحمه رحمة واسعه انه قادر على ذلك
تأثرت ورثيته بابيات لا توفيه حقه ولكن تعبير من الخاطر
,
,
فراج مات وخلف الطيب فراج=ذكره سواة المسك لاجا مجاله
له بالوفا والطيب والدين منهاج=ذرب اليمين وفيه لين وصماله
الراس يابس ياعرب وبلج احجاج=يالله عسى جنات عدن مأله
لاجاه مضيوم من الوقت محتاج=يمد له يمناه ماكمل سواله
وقصير بيته ماشكى منه الازعاج=انا اشهد انه من رجال الشكاله
ولا حط للبيبان قفل ومزلاج=ندي يمنى ياعسى عدن فاله
قلته وانا قلبي هواجيسه افواج=عليك ياراع الوفا والجماله
واختامها واعداد ماحج من حاج=صلوا على الداعي لدرب العداله
,
اخوكم:عيد بن عبدالله بن سالم
مرثيه في ابو محمد
العرض العادي
