طعني .. وطاوع واحدٍ فيك .. ما طـاع.......

[راعي حلوان]

يا شين طبعٍ فيك .. يا زين الأطباع
لولا الرجاء .. ما كان خلّيته .. يفوت

سَنَع .. يشوّه لا تذكّرته .. أسناع
مثل الحصاة .. اللي وسط عقد ياقوت

تخفي هيامك .. وإنت ميت وملتاع
ما تدري إنه في ملامحك .. منحوت

ويبخل لسانك .. وإنت للسمع .. طمّاع
والبخل .. في سِلْم المحبين .. ممقوت

الحكي .. قوت السمع / وأسامعي جياع
ومسامعي ماتت من الجوع .. للقوت

وحكي الغزل في صدرك أشكال وأنواع
لكن صمتك .. حوّل الصدر .. تابوت

إلا طَلَبتك وصل .. صعّبت الأوضاع
مدري .. من اللي درّسك جعله يموت

تصد .. ما كنّك من الصد .. مرتاع
وإن قلت : يا القاطع .. تلفّت مبهوت

أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت

وإلطف بحال اللي نحل حاله .. و راع ..
قلبٍ جروحه .. تنزف أفكار .. وبيوت

قلبي .. إلا منّه شرى قلب .. ما باع
وإنت هالله هالله فيه .. والعمر موقوت

اسمع أشعاري في الهوى وارخ الأسماع
ياللي غلاك بـ تربة القلب .. مكتوت

لا .. للفراق .. و لا .. لتجديد الأوجاع
ونعم .. نعم للوصل .. لو كان بالصوت

[عطـــر جـــاش]

صح السان قايلها محمدبن فطيس

شاعر وظاهرة بالعصـــر الحــــالي ..

يعطيك العافيه راعي حلوان على الانتقاء الجميل والنقل ..

[راعي حلوان]

عطر جاش .
شكرآ لمرورك .

[حادي الوجد]

وحكي الغزل في صدرك أشكال وأنواع
لكن صمتك .. حوّل الصدر .. تابوت

إلا طَلَبتك وصل .. صعّبت الأوضاع
مدري .. من اللي درّسك جعله يموت


.....اي بلله جعله يموت...........
كلمات روعه من شاعر جزل
شكر خاص لك ياراعي حلوان

[راعي حلوان]

العفو.
الشلهوب
شكرآ لمرورك الرائع .

[ابوشوق]

يعطيك العافيه راعي حلوان..............