السلام عليكم ورحمة الله وبركاته
هذه أبيات بسيطه كتبتها في موضوع يخص صديق عزيز
الحب كذبه والمحبين الأبطال=أبطال كذبة حب ماهي حقيقه
الحب لعبه والمحبين جهال=تطرد سراب قام يلمع بريقه
الحب في هذا الزمن كله اهبال=اهبال وهموم ومشاكل وضيقه
اسئل مجرب حب ليلاه بخبال=والخاتمه صارت صديقة صديقه
اهديتها قلبي من الجال للجال=وحلت بقلبي دون كل الخليقه
وبلحظة(ن) تغيرت كل الاحوال= راحت وخلت حبنا في حريقه
وغيرت لرقام ثابت وجوال=والكل منا راح راح بطريقه
واليوم تسع شهور مع عشرة ليال=من يوم صارت للسنافي عشيقه
جتها هديه منه خاتم وسلسال=وقالت تعال اقطف ورود الحديقه
وعرفت بن البنت مفتونة المال=والمال كم فرق شقيق وشقيقه
وارجع لخامس بيت يا طيب الفال=وقارن هدايانا وقول الحقيقه
هديتي قلبي من الجال للجال=وهديته سلسال يلمع بريقه