المحاوره - الصفحة 2

أبو فيصـل · 23 / 06 / 2006, 54 : 03 AM

انتبه ياعميلي من نباح الكلاب=لاتغرك ترى اسمك رايح وطامغه
ماتوصلك عبس ولاقبيله كلاب=وبنصحك تشتري لك مرسم وطامغه

الطرقي · 26 / 06 / 2006, 19 : 02 AM

كل كلب(ن) عقور عندنا له عقاب =ضربة دامغه لاقيل لك دامغه
ما علي من عقيب ولا علي من عقاب =ينعرف منهو المدموغ من دامغه

أبو فيصـل · 28 / 06 / 2006, 27 : 06 PM

العدو من يدينا نورده للعذاب=دام شيطان نفسه للردى نازغه
عشقتي كلها ملح ودلال وعذاب=والقلوب الرهيفه للهوى نازغه

الطرقي · 29 / 06 / 2006, 05 : 10 AM

ما نذمك ولكن من ورا الباب باب=وانت من بينها في مشيك مراوغه
كل وضع "تلاقي له من الشرح باب=من يجي في المراغه سقمه امراوغه

أبو فيصـل · 01 / 07 / 2006, 56 : 02 AM

مانراوغ وثوبك فصله بالهباب=جاك علمي وعلمي مابه مبالغه
نودنا يوم هبت اسرعت بالهباب=ومن يضيع فلوسه يحسب مبالغه

وجــد · 01 / 07 / 2006, 41 : 06 PM

مشكوورين اخواني على
القصايد الحلوه
ودمتم مبدعين

أبو فيصـل · 01 / 07 / 2006, 39 : 07 PM

شكرا لجميع من مر من هنا واتحفنا بمشاركته

الطرقي · 02 / 07 / 2006, 29 : 02 AM

ملبس الا مقاسي في حضور وغياب =واعرف الناقصه واميز الفايغه
انت من تحت شمسي في شروق وغياب=لو يجي للهبايب سرعة فايغه

أبو فيصـل · 03 / 07 / 2006, 39 : 08 PM

شاب قافك وكنك شارب لك شراب=وغربت شمسك اللي دائما بازغه
انت يالابس في الصيف كوت وشراب=القوافل سرت والعين لك بازغه

رماح الحب · 04 / 07 / 2006, 45 : 11 PM

السلام عليكم ورحمة الله وبركاته
اول ما بديت قراءة المشاركات قلت الطرقي هو النجم و يوم وصلت الى اخر نتيجه لقيتهم اسود و يتبارون
لا فضت افواهكم و الله يعطيكم العافيه اطربونا و انا لكم متابعة