طلب محاوره مع سفير المحبه

[مناحي معدي المسردي]

الاخ سفير المحبه
اردت ان ارسل لك رساله خاصه ولكن لم اتمكن من ذلك
لعدم اختيارك قبول الرسائل الخاصه

[أبو فيصـل]

على شوفتك يالذيب حاديني الشوق=واحب الصديق اللي يحفظ الحكاوي
تراني قريب منك ماني بمفهوق=ومن يكتب الالغاز لازال هاوي

[أبو فيصـل]

ابو راكان لاتورطنا يقولون يرسل له الحل ههههههههههه

[مناحي معدي المسردي]

صديقك ترى صدره للاسرار صندوق = ترانى لجل لازمك جندي فداوي
يقولون مرزوقه مع العبد مرزوق = قطع قلبها حب العباد الهواوي

[أبو فيصـل]

انا لي مزاج صعب مايمكن يروق=وبعض العرب ماله رفيق (ن) مخاوي
يقولون مرزوقه تبي العبد معتوق=عجبها تقول انه كثير العزاوي

[مناحي معدي المسردي]

عسى الله يفكك يا عميلي من العوق = وعسى الله يحقق لك جميع المناوي
نبي نعطي المجهول مندي ومسلوق= ونكسي سفير الحب بشت حساوي

[خالد بن معدي]

الأخ ابو راكان
الأخ سفير المحبه
أشكركم على هذا الأبداع ولكن أرجو إطالة هذه المحاوره لأنها ممتازه جداً

[أبو فيصـل]

انا ماعلي خلاف والعلم موثوق=وترى الطير ابو مخلاب مابات طاوي
نبي نعطي مناحي عريكه ومرقوق=وابهديك محزم يارشيد العطاوي

[مناحي معدي المسردي]

الاخ خالد
شكراً على مرورك

سفير المحبه بين سابق ومسبوق = هقا واخلفون مضيعين الهقاوي
اظن الصغير ضاع في زحمة السوق = تكسر عباره جوف صدره خلاوي

[أبو فيصـل]

اشوف ابن سمران بدى ثوبه يضوق=ولاعاد شايبنا على الحمل قاوي
الا يارعى العزوه ترى الثوب مشقوق=ولا حن نرد اللي على الفج ناوي