مجاراة عايض بن حيبان قصيدة عبدالله المشعلي

[أبو محمد]

يا الله ياللي تعلم السر والغيب=يا عالم عن كل شي(ن)وغيبه
يا واحد مافيك شك ولاريب=وقدرتك ماتصعب عليها الصعيبه
انا اترجى وانت ماغيرك يجيب=رحمتك لارزت علينا النصيبه
اكتب لنا النجوى نهار التعاذيب=وحرم علينا زمهرير ولهيبه
من بعدها ياحاملين المكاتيب=هاتو كتاب اللي يساوي كتيبه
هاتو كتاب المشعلي منقع الطيب=مدام مقباس الدجا خصني به
له عندي الترحيب يثنى بترحيب=باقوم له في الواجب وبحتفيبه
واليا مدحني بين عصم الاشانيب=من مثله وشرواه ماهي بغريبه
وافي ولا يصدر من اهل الوفا عيب= ولا يجيك من النشاما معيبه
ويعد عبدالله عطيب المضاريب=اسما مع اهل المعرفة نقتديبه
منهل وقار مايجيله عذاريب=وافي سجايا والمجاني عريبه
ساس0وروابع راس0والمام اساليب=وعزم ينول الطايله باللهيبه
وانا اشهد انه شاعر وقرم واديب=اسما"ثبت بين الاسامي الاديبه
عز وفخر وان عود الهين اصعيب=وشان اللغى والصوت طنب طنيبه
من لابة وقت الملاقا قواصيب=جمع"يشوف الموت الاحمر حريبه
مشاعله لما عوى الذيب للذيب=هل سربة ميقافهم يندعيبه
الاد مشعل ميبسين المشاريب=كم من حفيف ذوقوه الغليبه
ربع توقف دون هزع العراقيب=من جا يبي يعديبها ينعديبه
يلقا رصاص مصقلات اللواليب=مهما صعب مرمى هدفها تصيبه
يعود ثلثين الغزيَه مصاويب= وثلث لجل حسكا الوبر ينغديبه
يصبح غذاء لمعكفات المخاليب=والا تناهبه الظواري نهيبه
فعلا عليه اشهود ماهوب الاعيب=اتلى الدمي شرب المصبح سريبه
قلته ولا انقص من مكانة هل الطيب=كلا على قدره وفعله وطيبه
وصلو عدد ماتشرق الشمس وتغيب=على رسول حل مكه وطيبه

[بلاعنوان]

ابومحمد صح اللسانك.....والله يعطيك العافيه ....مجاراه رائعه . والاخ عبدالله يستاهل..وتقبل خالص تحياتي

[عبدالله المشعلي]

الأخ / أبو محمد
صح الله لسانك ولا عليكم زود والحقيقة إنها مجاراة رائعة
ولكن من شاعر مثلك لا أستغرب ذلك وأنت غني عن الإطراء.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
عد الثناء بين الرجاجيل محمود ـــ أخذ المثل من قايله واضرب أمثال
تحياتي وتقديري لك ولجميع الأخوة ,,,,,,

[الطرقي]

ابومحمد ’’’’’’’’’’صح السانك 0صح السانك’’’’’ابداع وعبدالله يستاهل المدح 0وماذكرت في ربعه واقع

[أبو فـلاح]

صح لسانك يابو محمد
والحقيقة أن الابحار في شعرك وشعر الأخ عبدالله متعة وله جمهور وأصداء واسعة أتمنى منكما التواصل الجديد وإتحاف منتداكم بكل جديد ...

[ناصر بن هذال]

قلته ولا انقص من مكانة هل الطيب=كلا علـى قـدره وفعلـه وطيبـه
وصلو عدد ماتشرق الشمس وتغيب=على رسـول حـل مكـه وطيبـه
************************************************** ******
اللهم صلي عليه وسلم ..شرفتنا بهذا الرد والمشعلي يستاهل ونشكر له هذا الحظور الطيب.

[ابوعساف]

ابو محمد صح لسانك
قصيده رائعه ومن العيار الثقيل
والمشعلي يستاهل وربعه يستاهلون
تحياتي

[مناحي معدي المسردي]

صح لسانك يابو محمد على هذه القصيدة
الطيبة ومدح في محله

[المارد]

صح لسانك يابو محمد مجاراه رائعة