محاوره بين عايض بن حيبان ومناحي بن معدي

مناحي معدي المسردي

الأخوة القراء السلام عليكم ورحمة الله وبركاته وبعد
نأمل ان تحوز هذه المحاوره على رضاكم واستحسانكم
ونرجو عدم الملل لأنها سوف تكون طويله

سلامي لعايض بين ربعه وخلانه = سلامي على اللي ياخذ العلم ويرده
ترى النجمتين اللي معك مالها خانه = مع اللي بخمس نجوم والشيخ من جده

أبو محمد · 10 / 05 / 2006, 27 : 03 PM

هلا مرحبا والحمد لله سبحانه=رجع صاحبي من بعد ماغاب له مده
يعد النجوم وكل نجم بميزانه =يبيها توقف كل قرم على حده

مناحي معدي المسردي · 10 / 05 / 2006, 48 : 03 PM

انا لي صديق ودي العب على شانه = وهو لاسألته بين وده ولا وده
ليا زان وقته وامبسط زان دندانه = ولا ضاق صدره يرخي الحبل ويشده

أبو محمد · 11 / 05 / 2006, 48 : 06 AM

الا ياصديقي تو ابو زيد ميدانه=وكلا على ماقيل من زنده وبنده
يحول البحر من دون لوه ومرجانه =واظنك تعرفه زين في جزره ومده

مناحي معدي المسردي · 11 / 05 / 2006, 57 : 03 PM

عسى بضعة الشاطر تجيب اجر دكانه = يحب التجاره واجر بضعته ماسده
رجال الادب والفن بالحيل زعلانه = يقولون مالقيوا ثياباً على قده

محمد الحياني · 12 / 05 / 2006, 13 : 04 AM

صحت السنتكما يالذيااااااااااااااابة

عيني فلا هلت

أبو محمد · 13 / 05 / 2006, 31 : 11 PM

لونها كذا ماشفت للدين ديانه =ولاشفت من هو يصرف المال ويعده
انا اقول ذا الموضوع ما شاني بشانه =ولا ازيد له في كيل صاعه ولا مده

مناحي معدي المسردي · 15 / 05 / 2006, 37 : 12 AM

يقولون ليلى تالي الوقت طفشانه = من العاصمه والظاهر انها تبي جده
يخونون ليلى يوم ماهي بخوانه = على شان ليلى تمسك الخيط وتهده

أبو محمد · 15 / 05 / 2006, 43 : 05 PM

من اللي عطاك العلم يعطيك برهانه= انا ظني انه جاب ذا العلم من عنده
على الوضع الاول بيت ليلى وبستانه=ولاحدا" بنا من فوق بنيه ولا هده

الشامخ1 · 15 / 05 / 2006, 57 : 07 PM

الله يعطيكم العافيه وعلى القوه