قصيده جديده

[كنق المشاعر]

السلام عليكم ورحمة الله وبركاته
ارجع لكم بعد انقطاع ليس بالقصير بهذه القصيده التي كثرت الاراء حولها فمن صنفها من القصيد العادي والضعيف ومن صنفها من القصيد القوي والذي يصعب مجاراته والاراء الاخرى تصنفها من اشعار الجن وانشالله اني بعيد من الجن واسال الله ان يقيني ويقيكم شرهم وانا كاتب القصيده اود ان اسمع ارائكم وملاحضاتكم وبدون اي مجاملات وانا مستعد لكل اسئله على مفردات ومضمون القصيده واترككم مع النص

ياعلـي ثـور بيـوتـك وارتـقـص=وانضم قوافيها على حروف القصيص
ابغا الحروف الي تسلسل في المقص=اصقل بيوتك نص مابغاهـا نصيـص
الله ياشـوقـن بقلـبـي يحتـقـص=حقص معاليقه وبالحقصـه حريـص
نقص على الحالـه وذنهـا تنتقـص=قصقص على افكاري وخلاها قصيص
ياعاشقن يشكي وصـل خلـه نقـص=قيس مقايـس الوصـل ذنـه نقيـص
ناقص وصل والا الرجوله مانقـص=احصه من الشجعان ذاحل الحقيـص
احصى الشجاعه عند غمزات المقص=ذا سبرت ترقـص معانقهـا رقيـص
قص الاثر ذي بعد خلـه واستقـص=ذن الاثر شخصن وراى خله يقيـص
صفق كفوفه ثم تحقـص واحتقـص=وادبر على عكس الاثر كنه قريـص
سبر يقص الي حصل وحـده يقـص=كنه خبل بالهـرج يخبصهـا خبيـص
حصـل محاصيلـه وذنـه بالنقـص=ذنها سبايب طيـر يقنصهـا قنيـص
ياعلي باحكم علـى الخايـن بقـص=بانهي حياته دام مـن دربـه يحيـص
وش حيلت الضامي على المر العقص=ذا حدته شمسه على الكاس العقيـص
يالله تعين القلـب ذي بهمـه رقـص=يقلص وراء سياج الصدر ماله قليص
كله سبب من الي بمعلاقـه حقـص=يحقص معاليقه وبالحقصـه حريـص

[بعيدة نظر]

عوده قويه وجريئه جدااا وابداع لايضاهيه ابداع

قصيده شامخه بحق ,,

صح السانك ملااااايين


,,,


القصيده بداية طرقتها على البحر الرملي وهو من انواع الهجيني وهو بحر مشهور يظاهي بحر المسحوب في شهرته ..!!

على وزن(فاعلاتن فاعلاتن فاعلن)

ومن ناحية القافيه فأبدعت في استخدمهاا وهذا شيء يحسب للشاعر اذ انها من القوافي الصعبه والنادره جدااا

القصيده شاعريه لابعد حد كانت هناك مفردات غامضه نوعا ما ولاتؤثر على مستوى القصيده اطلاقااا واعجبني السجع والجناس وااللذي يلعب دور كبير في جمال القصيده

دره مكنونه


شكرا لك الشاعر


,,,

[خيال العوجا]

هذه قصيده حقيصيه!!
وانت وقعت في ما يسمى الايطاء وهو تكرار الكلمه في اخر البيت باكثر من بيت وهذا لايجوز الا بعد سبعة ابيات كما يقول النقاد.
عموما انصحك بقراء قصيدة "بارود القنيص"للشاعر عايض بن حيبان فهي على نفس القافيه.

[محمد بن خالد آل حيدان]

كنق المشاعر يامرحبا بعد انقطاعك
ولاهنت على القصيده النادره من شكلها

[كنق المشاعر]

اشكركم جميع على المرور والله لايهينكم

اخي خيال العوجا اعرف معاني القصيده ومفرداتها فانا لم اقع في الايطاء انت ترى كل كلمه يمكن تتكرر ولاكن بمعنى اخر بعيد عن الكلمه السابقه مثلا كلمة المقص فهي متكرره ولاكن تحمل معاني اخرى في البيت الثاني قافية الشطر الاول المقص تعني السرد والتسلسل القصصي وفي البيت السابع المقص وهو مقص البندق وبمسماه الاخر زناد

وثانيا الايطاء غير مسموح به في النبطي واذا حصل فهو من عيوب القصيده سوا كان بعد 8ابيات او بعد20 بيت ولاكن الايطاء مسموح في الشعر الفصيح بعد 8 ابيات فقط

[القحطاني]

قصيده جميلة تشبه قصائد شعراء اليمن

[الذيب2010]

صح لسانك اولا وثانيا ليس بعد كلام الاعضاء الكرام كلام ولكن انا بنصحك تجعل بيوتك مفهومة لدى المتلقي فالناس ليسو على درجة واحدة من استيعاب الشعر فعندك مثلا شاعر المليون ابن فطيس المري اسلوبة في الشعر سهل ومفهوم اسلوب السهل الممتنع والناس تطرب لسماع قصائدة واللة يوفقك وانا اتوقع لك مستقبل باهر ان شاء اللة ومن سار على الدرب وصل