تعال يابن حيبان محاوره جديده من الوزن الثقيل

[أبو محمد]

البنوك التجاريه عليها رقابه = تحت حكم النظام وتحت حكم الاماره
الله الله وكلاً لقمته من زهابه =يافتى الجود ما في الحنظل الا المراره

[ابوعساف]

الله الله
صح الله السنة شعارنا
شدو حيلكم ترى الصفوف توها مكتمله
واتفقت انا وصديقي المحترم على امسكان الصفوف
من البدايه الى النهايه انا في صف ابومحمد وهو في صف خالد
ههههههههههههههههههههههههههههههههههههههههههههههه

[خالد بن معدي]

في فضا كونك الواسع سماه وترابه = ياعربسات اخذ لك لفةً وإستداره
راعي المجلس المفتوح محد درابه = حتى لو كبر المبنى وزود الإناره

[خالد بن معدي]

صح بدنك يا بو عساف بس خفف من الحمية شوي
والله الله في الصفوف

[أبو محمد]

في فضاء الكون مالك ويقةٍ وانقلابه= قدرتك ما تحل الذبذبه والاشاره
ليت خالد على قده يفصّل ثيابه =ويترك مطاثب ما من وراه استخاره

[أبو محمد]

ابو عساف والمحترم
يشرفنا وجودكم

[أسير الشوق]

محاوره في قمة القمة وفي منتها الروعة وقل ما نجد مثلها في الوقت الحالي فعلا معاني يصعب على الكثير تحليلها
شكرا لكم ايها الشاعرين الجميلين على هذا الإبداع المنفرد من نوعه

[خالد بن معدي]

دام عايض مشى في درب ما يمشابه = روح عطه البشاره يابشير البشاره
يستوي في مجالسنا ذهابه وأيابه = لين ما عاد ينزل دار ما هي بداره

[أبو محمد]

شكرا على المرور ياأسير الشوق

عايض جاعلك من بين ضرسه ونابه =محكماً مسكة ايمينه ومسكة يساره
مجلسٍ مايعز الضيف ويش ينبغابه =مانجي المجلس اللي ماينومس شناره

[سلطان ال الشوافه]

صح السانك يابوعبدالعزيز وصح السانك يابومحمد ومافيك حيله ياعايض وانا في صفك واسمح لي يابوعبدالعزيز؟؟؟؟؟؟