محاوره الشاعرين
حسين بن شتوي الحبابي وعايض بن مناحي بن شري المسردي
في تصفيات شاعر المعني مرحله المائه شاعر
والتي بموجبها تم تأهيل الشاعرين الي مرحله الــ 48
محمد السناني عضو لجنه التحكيم =
اللي يعرف انه بناء بيته علي الساس الوثيق = لايستهم ان الهبوب تغيره وتزعزعه
حسين بن شتوي الحبابي =
يالله بتوفيق من الله في بدايات الطريق= واللي يجمل لابته لابدها تاقف معه
يالمسردي سر المعاني وانت ابن عم ورفيق = وانكان ضاقت ماتضيق الا يجيب الله سعه
عليض المسردي =
من مات في غبه بحر ياصاحبي سمي غريق = وخل البواخر في بحرها باشرعتها مشرعه
وانا معك ياصاحبي بالطيب والعلم الوثيق = وان مانفعني صاحبي يوم الملاقا ما انفعه
حسين بن شتوي الحبابي=
حنا نجيب الدر والمرجان من بحر غميق = واللي يجيب الدر ياعائض ثلاثه واربعه
دارت رحات الحب فوق الحب لين اصبح دقيق= والبدر يطلع نوره الساطع من اول مطلعه
عايض المسردي =
الطيبه في غير اهل يالحبابي ماتليق = والجاهل اللي طق عينه يالحبابي باصبعه
انا حزامك واتحزمي كل ما زاد الحريق = ولا ورى بعض الاوادم يابن عمي مطمعه
حسين بن شتوي الحبابي =
الطيبه بيني وبينك والخواطر لاتضيق=وحبل الوفاء موصول ياعايض ولا احد يقطعه
كل يقدم دله شقراء ولاينسى البريق = مير الله الله يالنشامى في الردود المقنعه
محاوره حسين بن شتوي وعايض المسردي ((في تصفيات شاعر المعنى))
العرض العادي
