يشرفني بان اكون اول من يتعرض للنقد من اللجنه الادبيه وارجو ابداء ملاحظاتهم على هذه الابيات
يامل قلب ٍ توالد فيه ألاشواقي =عليك ياللي تتل القلب و عروقه
قلبي على شوفتك يالترف مشتاقي = وكبدي بعد من لهيب الشوق محروقه
علّقت قلبي بحبك فوق معلاقي = واشعلت نار الموده تحته وفوقه
سببت جرحاً عميقٍ داخل أعماقي = بين الضلوع المحاني تنضح حروقه
يابنت انا لعطيت الشخص ميثاقي = واللي خلقك وخلقني ماقدر ابوقه
وشلون عاد انتي اللي حبك الباقي = في وسط فكرٍ توليتي على ذوقه
يابو عيونٍ هدبها يسرق اسراقي = كنها ارماح المعارك بس مفتوقه
ويابو جبينٍ يشابه نوض براقي = لصار في غر قنفٍ تلعّب ابروقه
كم ليلةٍ جيت صوبك متعبٍ ساقي = واليا تلدد مجيك قلت ملحوقه
وكم مرةٍ لجل اشوفك تيبس ارياقي = واخاف من عاذلٍ يشعفك طاروقه
فاليوم انا ارجو تثمن عنوة الشاقي = لعل تقدر تلاحق جرحه وعوقه
للنقد واللجنه
العرض الشجري
