مرثيه في الشيخ علي ابن فهد ابن حيدان للشاعر فرج ابن محمد

[(***عزيز النفس***)]

[align=center:1c7d6744b1]هذه القصيده من احدى القصائد الخاصه بالشاعر : فرج ابن محمد ابن زويح المسردي

وهي مرثيه في الشيخ (علـي ابن فهد ابن حيدان) رحمه الله رحمة واسعه واسكنه فسيح جناته

كما اعدكم بان اقوم بنشرجميع القصائد الخاصه بالاخ فرج في منتدانا الغالي جاش في القريب العاجل[/align:1c7d6744b1]


[poet font="Arial,5,white,normal,normal" bkcolor="transparent" bkimage="backgrounds/22.gif" border="double,4,gray" type=2 line=200% align=center use=ex length=0 char="" num="0,black" filter="":1c7d6744b1]
يالله ياللي لا بلينا دعيناه=رب يجيب لعبده اللي شكا له
حكم القدر لامن حكمته رضيناه=عادل وحكمك في عبادك عداله
أحسن عزانا في رفيق فقدناه=وهون مصيبتناوعضنا بداله
أسوأ خبر لاعاد يوم سمعناه=وفاة رجل المعرفة والدلاله
الدمع من بين المحاجير جبناه=وكل صفق بالكف الأيمن شماله
والله خساره ياجماعه خسرناه=له فرجة محدن يسد بمجاله
ياكبر والله فقدنا اللي فقدناه=نبطي وحن وجعان من فقدنا له
فقده على كل المناعير شفناه=من العرين إلين وادي تباله
ياعين والله دمعك اليوم ماأكناه=بأبكي على رجل الوفاء والشكاله
أبو محمد من خلقنا عرفناه=دون الرفيق يسوق حاله وماله
محزم ظهر عند اللوازم لقيناه=كم جاه حمل فوق حمله وشاله
الناب يضحك والظفر وسط عيناه=ماهو بيبحث للردى والنذاله
عينه براس الريع ماينظر أدناه=وموفق في كل درب مشاله
لاضاعت الأشوار للشور جيناه=شوره سديد ولايعرف الجهاله
مابه فقير مد له يوم يمناه=إلاعطاه ولاحسب وش عطاله
تشهد له دلاله وناره ومبناه=ونجر معا وقت السحر صك جاله
ويشهد له اللي حده الوقت وأضناه= يرخص له أغلى ماملك من حلاله
والله لو بكل القصايد مدحناه=يبقى قصيدي عاجزعن خصاله
أسمه بقى ما ينسى لو دفناه= ما دام شمر يذكرون الطواله
واسمه بقى ما ينسى لودفناه=دام الصبي يطيب من طيب خاله
واسمه بقى ما ينسى لودفناه=مادام رزقي عند رب الجلاله
نبغى الصديق اللي يحبه ويدناه=لامنه صلى ركعتينه دعاله
يالله عسى الفردوس داره وسكناه= والسلسبيل وظل الاشجار فاله
مامات من خلف على دربه ابناه=والحر تاخذ من وصوفه عياله
ومحمد اهو العوض لا عدمناه=واخوانه اعضوده على كل حاله
الكل منهم دور العود مجناه =معرب ما بين جده وخاله
ربع رصيد في اللوازم ذخرناه=قطعة حرار يكسبون الجماله
وختامها صلوا عدد ما ذكرناه=على النبي اللي بعث بالرساله
-
فرج ابن محمد ابن زويح المسردي
-
[/poet:1c7d6744b1]