سحابة صيف
[poet font="Arial,5,black,normal,normal" bkcolor="transparent" bkimage="backgrounds/5.gif" border="groove,4,gray" type=2 line=200% align=center use=ex length=0 char="" num="0,black" filter="":5a26f6004f]
سحابة صيف
-
حبيبي ليه ماتركت لي ذكرى مع المرسول=ترى الذكرى مثل ناقوس دق بعالم النسيان
ترى الفرقا مصير الحب مهما بالزمان يطول=ودنيانا البسيطه فرقت من قبلنا خلان
ونا في عشرتك يازين صرت اغالط المعقول=واقول انك بصفي وادري اني ضايع غلطان
ولامن طالعت عيني لعينك شوف وش تقول=تكلم لك عن اللوعه تشكي لك عن الحرمان
ولكن ياخساره ماتشوف التايه المذهول=يبي ضوح الطريق وسكرت بوجهه البيبان
انا يازين لاشفتك داوي بصوتك المعسول=كلامك بلسم جروح لجت في معقل الكتمان
وخلتني مع الوحده مصيري غامض ومجهول=على غير اتجاه امشي مثل مركب بلا ربان
يقول العقل باحساسي علامك بالهوى مشغول=تريح لا تخيل بروق مايروي بها الظميان
سحابة صيف حب اليوم لا جاه الهبوب يزول=تجلى وانتهى صدفه ولكن له وجود كان
وهذي قصتي مخطي على نفسي ونا المسؤول=وحقيقة واقعي لو قلتها تبغى لها ديوان
-
الشاعر/ غير معروف
-
[/poet:5a26f6004f]
ادخل على والديك يامحسن لاتحذفها
على الحرام اني معجب في ابياتها بشكل غير طبيعي
|