امس العصر ليتك معي يا ( سلامه )=فالوادي اللي فيه غابات وسدود
الجو غايم والمطر من غمامه=يسقي ثراها وظل الاشجار ممدود
من جاه يلقا فيه غاية مرامه=كل الذي تطرب له النفس موجود
لكن .. برا حالي وسمّه وضامه= حمامه شاهدتها تروح وتعود
حمامةٍ ما هي مجرد حمامه=في عنقها طوقٍ وجنحانها سود
واقت على عشٍ بقايا حطامه=في فند سدرٍ تلعب بغصنه النود
وناحت بصوتٍ فيه حزن وندامه=واونست قلبي بين الاضلاع ملهود
من سمعها .. تحرم عليه السلامه=لوكان قلبه قاسيٍ كنه جلمود
و( الشاعر ) أدنى ما يهيض غرامه=يهيم باوهامه ولا عنه منشود
يرمي خلافه كل شيٍ امامه=ويجاوب الورقى الحزينه .. على العود
عبدالله المشعلي
ليتك معي يا سلامه
العرض العادي
