بسم الله الرحمن الرحيمـ ..
لبسنا ثياب العـز عـاد الــعــرب عـــاريــن = ونآكل ونكّل من يقال له ياعوينه
ونجلي عمس ضيفاننا لا لفو عـمـسـيـــــن = ونكرمهم اكرامٍ يجمل على حينه
ونرفع وقار الــجـار بـالـطـيب دنيـا ودين = ونحماهـ من جور الزمان وعوآوينه
وقدر الخوي في قلوبنا مثل شوف العين = ولآعتازنا لازم نعاونه ونعينه
ويآمن دخيل الوجــه من عـدوة الـــعادين =وفي ظلنا يمشي يلاعب سيادينه
و سدنا على شبه الجزيره يجي قرنـيــن = ويشهد لنا نجد العريض وميادينه
برمحٍ عصاه الدم تشربه شــرب الـشـيـن = وسيفٍ سنون الموت تلمع بحدّينه
وشلفاً تخدم الرمح وأطلق من السكـيـن = ليـآ وقّعت في القلب تفجر شرايينه
على ظهور جيش وخيل غآزين ومفآجين = وكلٍ يردد عزوته قُدم باغينه
وتاريخنا معروف من قبل سور الصيــن = وفعلٍ فعلنا واضحآتٍ براهينه
قحآطين منّا ( الأوس و الخزرج) الوافين = ومنّا ( شبآبه ) والكلام بمضامينه
ويشهد لنا ( حسّان ) شاعر ضيآ الدارين = ابلقآ اسم اللي يقسم الحق بايدينه
رسولٍ بهدي الله هدى عالمٍ غــآويـــن = الى الحق يوم الحق تِعرَف عناوينه
رسولٍ جعل الاسلام يطغي على الطآغين = وثبّت لنا اركانه وقننّ قوانينه
وانا اقول : صلّوا يامعآفين يا مكآفـيــن = على افضل بشر وطِي البسيطه برجلينه
عدد من قرى سبع المثاني وقال : آمين = ومن ينهج بنهجه وبيّن بتيينه
ومـــــن طهّر امواله عن الغش والتخمين = ومن يوفي بعهدهـ ويقضي ديآيينه
لكن ودّي اعوّد على الهرج الاول لـيـن = اجيب السعوط اللي تسعط مجآنينه
وانا عارف ان الحق مايزِعل الواعـيـن = لعلّ الجهل يخمد وتخمد براكينه
تراكمـ تراكمـ كلكم ياعرب غـالــيــن = وكلٍ رسخ ذكرهـ وفعله من أيمينه
ومدحي لربعي مايقللّ من الثانـيـــن = وقول الخطى حال القدى بيني وبينه
وحنّا اخوان وصفّ واحد على العاصين = بعصرٍ سطع نوره بسلطة سلاطينه
الشاعر / عايض بن مناحي بن لشدق المسردي
والمعذره ان كان هناك اي خلل في الاملاء
قصيدة عائض في قحطااااااان
العرض العادي
