بســـم اللـــه الرحمــن الرحيـــم
أعضاء منتدى جاش لقد شد انتباهي قصيده جميله للشعر جحيش بن مهاوش الهشال في عياله وقد قيلت هذه القصيده في عام 1326هـ تقريبا
وأترككم مع القصيده
قال الــذي يقرأ بليا مكاتيــــــــــــــــــــــب = ياللي تقرون العمى من عناكــــــــم
ياعيال ياللي تشرفون المراقـيــــــــــــــب = تريضوا لي واقصروا من خطاكــــم
خوذوا كلام جحيش مابه تكاذيـــــــــــــــب = مثل السند مضمون للي وراكـــــــم
وياعيال وإن صرتم ضيوف أو معازيـــب = ترى الكلام الزين ملحت قراكـــــــم
وترى البلاسه من كبار العذاريـــــــــــــب = ترى البلاسه ما تطول لحاكــــــــــم
يصير بعيون الرفاقه تقل شيـــــــــــــــــب = ليا منه اقبل قيل هذا بلاكــــــــــــــم
المذهب المذهب ترى المذهي الطيـــــــب = وترى ردى المذهب يبور نساكــــم
ياعيال ماسرحتكـــم للمعازيــــــــــــــــــب = وياعيال ما عمر المعزب ولاكـــــم
ياعيال ماضربتكم بالمشاعيــــــــــــــــــب = ولا سمعوا الجيران لجة بكاكــــــم
ياما تسمعرت الخلايق تقل ذيـــــــــــــــب = من خوفتي يقصر عليكم عشاكــــم
احفيت رجليني بحامي اللواهيــــــــــــــب = وخليت لحم الريم يخالط غداكــــــم
واليوم شوفوا لحيتي كلها شيــــــــــــــب = وشوفوا محل تخوضعي في ذراكـم
قمت أتركا فوق عوج المصاليــــــــــــب = وقصرت خطايه يوم طالت خطاكــم
ياعيال ياعيالي عليكم مطاليـــــــــــــــب = عطوني القرضه جزا ما وتاكـــــــم
خوالكم ياعيال هم ماكر الطيــــــــــــــب = ياعيال مدري هالردى منين جاكــم
ياعيال يا ميال الخنا كلكم عيــــــــــــــب = ياللي على الوالد كثيرن لغاكـــــــم
قصيتكــــــم واسندت وادي سلاحيــــــب = والقيت بالصبخا مدافيق ماكــــــــم
ياعيال بعتوني بصفر العراقيــــــــــــــب = ماهي حقيقة سود الله قراكــــــــــم
عسى نسوانكم ماتحمــل ولا تجيـــــــب = تغيب شمس الصبح و يعتم سماكم
لابد ماهو عاوين دوني الذيـــــــــــــــب = بالقبر مفرق طيبكـم من رداكــــــم
وسلامتكم:
قصيدة جميلة عمرها 100 سنة
العرض العادي
