تخيل لو بطريقه ملتوية انسبوا اكتشاف الذره لك انت !!!!!!!
والله يافيه ناس يبون يتمصلحون معك وأولهم شركة الاتصالات تبي تصير فواتيرك ببلاش
تخيل لو تصير الدنيا ذي كل ابوها حلم !!!
كل شي حلم , الفيصليه والثمامه والحكير لاند الجديدة والسيارات وستاربيكس.... وتصحى من ذا الحلم تلقى نفسك من ايام العصر الحجري ولابس ورق شجر وبيدك حصاه وتحك رسمات على الجبال تكتب ذكرياتك ..... لا وشعرك جدايل
تخيل لو يطفى عليك الكهرب وانت قاعد تقرى رسالتي هذي !!!!!
اتحداك تكمل الباقي الليله , صدقني تبي تقفل معك وتقول بكرى انشالله فيها يحلها الف حلال
تخيل لو جاك الشايب وعطاك مليون ريال وقال لك : رح يا وليدي لأبها تمش بهالعطلة
والله يا فيه ناس بيجحدون ناس ..... والجوازت تبي تصير زحمة
تخيل لو في يوم وليله اكتشفت انك متزوج لا وعندك ولد وبنت ( الكلام هذا للعزوبيين ) ... والله يا انت تبي ترسل العيال عند جدهم وجدتهم اسبوع ( اقصد يعني عشان يتعرفون على عمانهم )
تخيل بعد لو وانت جالس الحين تقرى بهالرسالة ما يطفى عليك الكهرب يطيح الكمبيوتر وينكسرر ( تطلع وناسه لو كان لاب توب )والله يا بتحقد علي وبتضيفني على المسنجر عشان تقول انتا مو كويس
تخيل لو تدخل يوم غرفتك وتلقى ابوك او واحد من اخوانك الكبار ( اقصد يعني اللي ما تمون عليهم ) جالس على الكمبيوتر وفاتح على المسنجر وفيه اربعه اون لاين ثلاثه منهم صاقعهم بلوك ومستلم القيادة مع الرابعه ..... والله يا انت تبي تفل ام امها ..... لو تقول له ابي عصير منقا بالعسكريم قال ميخالف ( امحق تفكير )
تخيل لو انك راكب موترك ( كرسيدا او كورولا ) وماشي في امان الله .... فجأة وبدون اي مقدمات تلقى نفسك صاقع مرسيدس والا لكزس والا بي ام اخر موديل .. لا ومن زين الطبايع صاقعها من ورى ...
احس انه دكاكين ومؤسسات تبي تعلن افلاسها .... والبيع لأعلى سعر
( هالتخيل موب صاحي ) ..... تخيل لو اكتشفوا انه انت موب ولد امك وابوك وانه المستشفى غلطوا فيك .. وانه امك وابوك ما تدري وينهم .. بس انه هذولا موب اهلك
والله يا بتخنقك العبره .... كل ما دخلت بيتكم تقول ( يا ولد !!! ) ... ابوك ( اقصد اللي كان ابوك ) بيأخذ سيارتك اللي عطاك ....
تبي تطلع من البيت تدور اهلك .... وحاط مثلك الاعلى ( سالي )
تخيل لو انك واحد من آكلين لحوم البشر ( الافارقه هذولا) .... تقوم من النوم وتطلع من العشة تلقى اخوياك ماسكين لهم ناس وصالخين جلودهم وجالسين يحمسون اللحم .... تلقى الشيبان متجمعين على الكبدة
تخيل لو تصير الدنيا ذي كل ابوها حلم !!!
كل شي حلم , الفيصليه والثمامه والحكير لاند الجديدة والسيارات وستاربيكس.... وتصحى من ذا الحلم تلقى نفسك من ايام العصر الحجري ولابس ورق شجر وبيدك حصاه وتحك رسمات على الجبال تكتب ذكرياتك ..... لا وشعرك جدايل
كونان اتصدق ماهو بتفكير محشش حتى انا افكر كيذا احيانا والله ازين بألف مره :lol:
اقتباس:
هالتخيل موب صاحي ) ..... تخيل لو اكتشفوا انه انت موب ولد امك وابوك وانه المستشفى غلطوا فيك .. وانه امك وابوك ما تدري وينهم .. بس انه هذولا موب اهلك
والله يا بتخنقك العبره .... كل ما دخلت بيتكم تقول ( يا ولد !!! ) ... ابوك ( اقصد اللي كان ابوك ) بيأخذ سيارتك اللي عطاك ....
تبي تطلع من البيت تدور اهلك .... وحاط مثلك الاعلى ( سالي )
كونان وهذي بعد حاصله كثير بعد اعرف وحده مسيكينه اكتشفت هالشي وهي بخامس ابتدائي :( لكن طبعا ماقالوا لها روحي دوري اهلك انت وخشتك :lol:
تخيل إنك ماشي على رجليك في الشارع العام 000 وأبو ماجد طالع من الدوام الساعه ثلاثه العصر تافل العافيه 00000 آه 00 وشاهدك بأم مقلتيه ياكونان00 علّي اليمين إن تواجه منكر ونكير0
تخيلات محشش
العرض العادي
