مراح مقيط

[عبدالله المشعلي]

أنا ما طردت الفايتة من صغـر سني=ولساني على شـذب العراقـيـب ما سنه
ولاني وراء الـناس الـمـقـفـين مـتـعــني=ومـادمـت قـادر بـاعـسم الـقـلـب واعنه
والأيـام تـبـعـد بين الأحـبـاب وتــدنـي=ألا يا ( مـحمـد ) قــم ودن الـقـلـم دنـه
بـاعـبـّر عـن شعوري بالأشعار واغــنـي=لـمن يـفـهم الإدغـام والـمــدّ والـغـُنــه
ولا ودي أصــرّح بـمـعــنــاي لــو أنـــى=أحـب الصـراحـة لكن الوضـع فيـه إنـه
أنـا لي صـديق كـان ضـنـّه عـلــى ظـني=تـغــيـّر وغـروه الـعـرب واخلفـوا ضنه
مـن أول عـلـى خـافـي سـرائـره يا منـي=وأنـا مـثـله أقـول انه مـنـي وأنـا مـنـه
وصـدّ ونزح عـن ديـرتـي وابـتعــد عـني=وأنـا ما نـويـت أفـارقـه وابـتـعــد عنه
وهـذا الـذي كـدّر ضـمـيـري ومـشـحـني=يا شــين الجـفـا منـّه وأنا أدراه واحنه
لـو أنـي خـبرته جـاه ما يـزعـلـه مـنـي=طـلبت السـمـوحه والرضا والعـفـو منه
أقـولـه وأنا ما اخـضــع لإنس ولاجـنـي=ولـو كـان يـشـفـع لـي ويـدخلني الجنه
وهـو لا حـشى لـله مـا لــه عـلـي مـنـي=ورزقـي على ربٍ لـه الـفـضـل والـمـنه
ومـبدأ الـمـنافع يرفـضه مـذهـب السني=ولا له سـوى ما يفرض الشرع والسنه
وما يـثـقـل نفـوس المجافـين ما أثقـلني=لو أن الـملام أكـبر مـن طـويـق والقـنه
إن جـاني بأرحب به على الهيـل والبني=وكـمـبـودي مـن طـيـّب العود لـه بـنـه
وان راح فمراح مقيـط وارشـاه والشني=مسـك بالـرشا وحبل الرشا يتبع الشـنه

عبدالله المشعلي

[طيب الفال]

صح الله السانك اخي الغالي عبدالله المشعلى وان شوف اليك كلماااااات احلي واحسن وشكراً جزيل على هذا الكلمااات الحلوووووووووه

[كاشخ 24 ساعه]

اقتباس: المشاركة الأصلية كتبت بواسطة عبدالله المشعلي     أنا ما طردت الفايتة من صغـر سني=ولساني على شـذب العراقـيـب ما سنه ولاني وراء الـناس الـمـقـفـين مـتـعــني=ومـادمـت قـادر بـاعـسم الـقـلـب واعنه والأيـام تـبـعـد بين الأحـبـاب وتــدنـي=ألا يا ( مـحمـد ) قــم ودن الـقـلـم دنـه بـاعـبـّر عـن شعوري بالأشعار واغــنـي=لـمن يـفـهم الإدغـام والـمــدّ والـغـُنــه ولا ودي أصــرّح بـمـعــنــاي لــو أنـــى=أحـب الصـراحـة لكن الوضـع فيـه إنـه أنـا لي صـديق كـان ضـنـّه عـلــى ظـني=تـغــيـّر وغـروه الـعـرب واخلفـوا ضنه مـن أول عـلـى خـافـي سـرائـره يا منـي=وأنـا مـثـله أقـول انه مـنـي وأنـا مـنـه وصـدّ ونزح عـن ديـرتـي وابـتعــد عـني=وأنـا ما نـويـت أفـارقـه وابـتـعــد عنه وهـذا الـذي كـدّر ضـمـيـري ومـشـحـني=يا شــين الجـفـا منـّه وأنا أدراه واحنه لـو أنـي خـبرته جـاه ما يـزعـلـه مـنـي=طـلبت السـمـوحه والرضا والعـفـو منه أقـولـه وأنا ما اخـضــع لإنس ولاجـنـي=ولـو كـان يـشـفـع لـي ويـدخلني الجنه وهـو لا حـشى لـله مـا لــه عـلـي مـنـي=ورزقـي على ربٍ لـه الـفـضـل والـمـنه ومـبدأ الـمـنافع يرفـضه مـذهـب السني=ولا له سـوى ما يفرض الشرع والسنه وما يـثـقـل نفـوس المجافـين ما أثقـلني=لو أن الـملام أكـبر مـن طـويـق والقـنه إن جـاني بأرحب به على الهيـل والبني=وكـمـبـودي مـن طـيـّب العود لـه بـنـه وان راح فمراح مقيـط وارشـاه والشني=مسـك بالـرشا وحبل الرشا يتبع الشـنه عبدالله المشعلي

صج لسانك ياعبدالله



وقصيده جزله ممتعه وصادقه


وزي ما قال محبوب


لا شفت لك واحداً متكبراً جافي ××× خله على دكته لين الله يجيبه





تستاهل التثبيت

[ابوخالد]

صح السانك...
والله اني احسب القصيد اللي مثل هذا اندثر مع اندثار كثير من المعاني وكثير من العادات التي صارت توجد فقط مع الرواه,,
والله انك امتعتني بهذه القصيده وانا فعلا لا اعرف شخصك الكريم
... وارجو تواصلك معنا بنفس الابداع..
تحياتي..

[أبو فـلاح]

عبدالله ارحب نراحيب المطر
مصافحة أولى رائعة وقصيدة جزلة
صح لسانك ونتمنى تواصلك المستمر ياغالي

حاولت أن اقتبس من قصيدتك الجزلة فأعجبني هذا البيت :

اقتباس: إن جاني بأرحب به على الهيل والبني وكمبودي من طيّب العـود لـه بنـه

تقبل خالص ترحيبي

[ناصر بن هذال]

صح لسانك

ابداع....ابداع.

[مناحي معدي المسردي]

صح لسانك على هذه القصيدة
والمنتدى يتشرف بوجود شاعر مثلك
وننتظر منك مزيد من الابداع

[كادي]

قصيده رائعه الفاضها قويه جزله


اعادتنا لشعار وقصايد قد نقول عنها اندثرت



لكن بكثل هذه القصيده اصن ان امثال اولك الشعار وتلك القصائد القديمه مازلت موجوده



من جد قصيده متمكنه من الفاض الشعر الجزل لكن هناك تعليق بسيط ان قبلتهههه



أقوله وأنا ما اخضع لإنس ولاجنـي
ولو كان يشفع لي ويدخلنـي الجنـه


في هاذا البيت رفضت ان تخظ لي شخص حتى لو كانت شفاعتك بيده كانك تشير الي شخص الرسول صلى الله عليه وسلم على ما اظن ذاللك فلولا لك تعديل البيت والله اعلم

وغير ذاللك في هذه الرائعه لايــــــــــــــــــوجد



اخــــــــــــــــــــــــوك

كـــــــــــــــــــــــــادي

[خيال القروى]

ارحب ياعبدالله
وصح الله لسانكـ
وجزله من راس جزل
وبانتضار جميل مشاركاتك
تحياتي يالغالي ..

[عبدالله المشعلي]

الأخ كادي اتقبل ملاظتك واستغفرالله ان أكون اقصد ما اشرت إليه وانما الأعمال بالنيات