بسم الله الرحمن الرحيم
محاوره الشاعرين الشاعر عايض بن مناحي المسردي
وتركي العصيمي مكتوبه ومرئيه
الطاروق الأول
تركي العصيمي:
سلام ردية وفا واليوم هذا يوم عيد=يومن حضرنا محفل يجمع مشايخ وومرا
الله يفعل في عباده ما يشاه وما يريد=نبا نرد لك البرا يالي ترد النا البرا
عايض المسردي:
يا مرحبا بك يامسلم عن هل المجد التليد=ترحيبة من شاعر بالمعرفة باع وشرا
الله يدبر ما يريد وكلنا تحته عبيد=والله يديم ملوكنا الي عن هوا الدنيا ذرا
تركي العصيمي:
الادمي لو يدري ان الموت في حبل الوريد=يبا يهون عن علومه لن سرح ولا سرا
ياصاحبي عايض لعلك راصد عندك رصيد=اليا عرفت الفاتحة تبا تعرف الم ترا
عايض المسردي:
مابه مصد عنك يا تركي ولو ضلعك حديد=يعني يجيك يجيك حتى لو تجي سد القرا
الرابح الي لا خذاله زاد ما ياخذ زهيد=والي درا يا صاحبي بيعلم الي ما درا
تركي العصيمي:
يا صاحبي عايض لحقك الخوف من لجنة رشيد=وشلون لو انه يجي قدمك نكير ومنكرا
يا جعلنا يا جعلنا تالي زمنا نستفيد=الي يعرف الأيمنا يبا يكب الأيسرا
الطاروق الثاني
عايض المسردي:
سلام ينصا سيدي تركي قبل كل الحضور=اعداد من فرح بسلامة سيدي صقر العرب
والله يديمك يالفرح والله يديمك يالسرور=ياليل يا ليل السعد يا ليل يا ليل الطرب
تركي العصيمي:
يا مرحبا ترحيبة تبقا على مر العصور = اقولها باسم الامير الي يفتل بالشنب
مير اطلب المولى يسهل لك صعيبات الامور=خلك على حشمه وادب وانا على حشمه وادب
عايض المسردي:
الله على الي لو يبور المال يبقا ما يبور=يعني قلم هذا الزمن يقلط على السيف الحدب
وان طعت شوري دوره لومن ورا سبع البحور= اخير من مكلك ومن شربك ومن جمع الذهب
تركي العصيمي:
تبغي الحقيقة والله انا عارفين العلم نور=يعني نصيب الي قرا يعني نصيب الي كتب
انا حفظت من الكتاب المعتبر تسعة سطور = وانا نظامي والنظامي ما يسما منتسب
عايض المسردي:
لولاه ما كنا نشارك فالسّما سرب الطيور=000(قطعها المذيع بقوله:خلوها)000