محاورة الطرقي والقحطاني

[القحطاني]

سلام يالطرقي عدد ما ساقت النود السحاب = يا شاعر عنده ثقة في النفس والمخرج ملي
ما هو من اللي يختلف لا عض ناب فوق ناب = اعرف نظامة مايسير بعكس والمخرج ملي

[الطرقي]

يامرحبا بك ياقحطاني بعد ماطال الغياب =اطلع بمطلاعك طلوع الشمس والمخرج ملي
مليت مدحك ببجديات التشره والعتاب =ماتدري ان اليوم غير الامس والمخرج ملي

[القحطاني]

تزعل وانا باقي مقفل للمعاني كل باب = وراك يابو زيد شكلك عمس والمخرج ملي
ان لم تكن ذيب على ماقيل تاكلك الذياب = ياللي تمشى من جيان لمكس والمخرج ملي

[الطرقي]

انا ادري ان بندق سعد مشحونه وفوق الزهاب =البندق ام الخمس فيها خمس والمخرج ملي
الله يجنبنا الخطاء والله يقدينا الصواب =واعرف قلبك كيف احمسه حمس والمخرج ملي

[القحطاني]

مالي ومال البندق اللي راح راعيها وغاب= اللي يثورها الرعد واللمس والمخرج ملي
وش ذا الحروف اللي لفتنا زايدة وسط الكتاب = لكن نبي نطمس عليها طمس والمخرج ملي

[الطرقي]

ياطير شلوى من تنشّد لازم يلقى الجواب =اما اخذ ليلك باوله والا امس والمخرج ملي
الله يعينك تحتمل جور الشدايد والعذاب =من قبل طمسك يابعيد الرمس والمخرج ملي

[الصريح]

ابوعساف ماتبي العنصريه اعكسها
ابيات واضحه
وتحياتي لك وللشاعرين


اطيب المنى,

[ابوعساف]

اخي الصريح شكلك مافهمت علي
انا تراني مع الطرقي ماني مع القحطاني
بس عسى الله يجيب القحطاني كنه ابطا

[القحطاني]

تبون الصراحة
اول مرة افكر في هذه المحاورة
وصراحة نبي تقرونها مرة ثانية
يمكن يستفيد منها بعض الناس