بابقى في رجى باكر..

[حكاية إحساس]

السلام عليكم ورحمة الله وبركاته

انا مالي بالشعر حيل لكن لايخلو الامر من بعض المحاولات
وبصراحه حمستني المداخلات والتعليقات والتحلليل هنا
واجبرتني اشارككم بما جاد قلمي
واترككم مع نص كتبته من فترة بعيده وما احد قيمني عليه غير ابوي الله يحفظه لي وقالي شعر تفعيل
وابي رايكم ^_^

[grade="00008b 0000ff 4169e1"]الليل راح ..
وهذا هو الصبح لاح ..
وودع لليل الجرح ..
وانا مثل ماتركتيني اسامر النجم والدمع فظاح ..
على الحاني يرقص نسيم الليل ..
ويجرح سكونه ونيني ..
اتلهف وانتظر ..
واتشوق واعتذر ..
لليل عن زايد حنيني ..
شاقني شروق الشمس ..
شاقني لصوتك الدافي ..
شاقني لجونا الصافي ..

وان لفانا الليل
باشعلك شموعي ..
واصحي لك ابياتي..
وانسى وحدة الامس..
وبانتظرك اليوم وابقى في رجى باكر ..
انتظر قلبك الظاهر ..[/grade]

[الشااااايب]

اختي حكاية احساس لست بشاعر ولكن احب التسمع اليه وقراته وانا اقول نص جميل وراقي

واعجبني المقطع الاخير من النص وانا في انتظار ابدعاتك القادمه وتقبلي مروري يالغلا

اخوك ________________ الشاااااايب __________________

[حكاية إحساس]

ياهلا ويامسهلا بالشايب
يكفيني مرورك
ووجودك اكبر فخر
لاهنت
والاجمل هو تعقيبك الاكثر من رائع

[الناااايفه]

الله ياحكاايه كلاااااااام راقي ويدل على احاسيس جياشه تختبئ داخل قلب ينبض بالاخلاص والمحبه والوفاء

هذا ان صح ظني فهو يصنف من الخواطر وليست بشعر وابدعتي في هذا المجال

تقبلي مروري يالشيخه

[نجد]

فالك البيرق تقبلي مروري

[حكاية إحساس]

مرورك على راسي يا الغاليه

الف شكر على وجودك وعلى ردك
يارب عساني ما انحرم من هالطله

وبالنسبه على انو خاطره او شعر انا ما ادري وابي تنصفونه لي
ودام قلتي خاطره
اجل لازم يكون فيه قسم للخواطر اجل انا وين اكتب فيه (( على كيفك ^_^

تسلمين لي يا الغاليه

[حكاية إحساس]

فالك الخير كله نجد

ومرورك اسعدني

لاهنتي على هالتواجد

[حكاية إحساس]

مره زعلانه منكم

ليش ماحصلت اي نقد

جد وربي حطمتوني << زعلانه

[برق الحيا]

واااصلي والله معااااااااااااكي على ماقال ( خلاص إنتهينا ) ..!

[بطيحان بن ناصر بن هرسان]

خواطر جميله


وليه تحطمتي ماشاء الله


فيه من الردود المقنع


بالعكس اشيد بالمشاركه وبالتوفيق لكي دائما,,

[الصريح]

خاطره جميله وتنم عن عاطفه جياشه.
والسطر الثالث بنظري مكانه غير موفق ككتابه وليس كمعنى .
يمكن أكون غبي شوي ومعها شويه فضول لو سألتك عن
موضوع أو عنوان القصيده لسبب بعض ردودك أستنتجت بعض الشي منها .
أرجو تحملي وتقبل مروري
مع اطيب الاماني ؛

[ابوخالد]

شعر التفعيله..او الشعر الحر..شعر مستحدث في اواسط القرن الفائت..وقرأت عند وفاة الشاعره العراقيه نازك الملائكه انها من اوائل من طرقه واقتدى بها الكثير..
انا لم أتطرقه يوما لصعوبة التميز فيه وليس لقلة جودته..
شعر التفعيله لا يقيد الشاعر بقافيه معينه او تفعيله معينه..
يعني تستخدم اي تفعيله بالتكرار الذي تراه..او تجمع بين اي تفعيلات في بيت واحد..
يعني..

الليل راح..
ال لي راح= مستفعلن

في السطر الثاني..
وهذا هو الصبح راح..
وها ذا هوص صب حي راح=مستفعلن مستفعلن

على الحاني يرقص نسيم الليل
علل حا ني... ير قص نسي .. مل ليل=مفاعيلن ...مستفعلن...فاعلن

هذا والله أعلم ..وأعتذر عن التأخير..

[حكاية إحساس]

برق الحيا
بطيحان شاكره لكم تواجدكم

الصريح حياك الله خيوو نقدك سوف اخذه بعين الاعتبار ولكن في ردك شي من الغموض لم افهمه

لو سألتك عن
موضوع أو عنوان القصيده لسبب بعض ردودك أستنتجت بعض الشي منها .

مو فاهمه ياليت تفسر لي علشان اعرف اجاوب ^_^

ابو خالد عوااااافي خيووو

لاهنت
مجرد مرورك يشرفني