مـــعـــجـــــب بــــن مــــحـــــمـــــد

[برق الحيا]

كحيلان .. مرحبا ومسهلا ولاحرمنا الله هالتواجـد المميـز ..

أبـوفلآح .. إضافـه جميله وتعليق أجمل .. وهذا أقل مانقـدمه لمن أفنوا حياتهم بالطيب والعلوم الغانمه ..

[ابن عويد]

يبض وجهك يابرق الحياء والطيبين اللي مثلك ماينسون الطيبين امثال ابو محمد اطال الله في عمره
اذكر من القصص وهي كثيره لكن بعطيكم وحده حكاها لي واحد قبل ايام وهوعسكري بحرس الحدود بعسير
يقول جانا معجب زياره وانا كنت بمركز بظهران الجنوب يقال له المجازه وكنت صائم لانه صار على حادث مروري وتوفى معي شخصين فوجب علي الصيام شهرين وكنا بشهر سته فسئل الجميع عن طلباتهم فرفعت يدي وقلت له يابو محمد الله يطول في عمرك انا سالفتي كذا وكذا وصايم ابيهم يعطوني اجازه اصوم عند اهلي لومن حقوقي
فنظر بقائد حرس الحدود بالظهران وقال له ليش مخلينه يداوم وهو صايم الحين تفكونه يصوم عند اهله ويجيكم بعد مايعيد مع اهله عيد رمضان جزاه الله كل خير يعني ارخص له اربعة اشهر -وسلامتكم

[ولدمسرد]

ابومحمد...........
جعله فداه الرجل الردي..علومه غانمة ولا هوبيقصر جعل شيبانه في الجنة..وابومحمد وش بنقول ووش بنخلي ؟؟لابعدتشرفت بمقابلتة ولكن عن قريب انشاء الله وسمعة الطيبين تبين من الاقصيين قبل ربعه وجماعتة..واشكرك يابرق ع اللفته الصارخة والمتيقظة..

[أبو محمد]

يابو محمد متع الله بالياليك = والله يمتعنا بوجودك وشرواك
مادمت معنا الله يديمك ويحييك= فحنا بخير وضعنا فوق الافلاك
انا اشهد انه عين اسمك امسميك =عزالله انه ما غوي يوم سماك
لاسمك مزايا كلها تجتمع فيك= فيه المزايا كامله من مزاياك
(معجب) بني عمك و(معجب) عوانيك=و(معجب) عيون اللي من الخوف ينصاك
و(معجب ) ضعيف ما هقا في معاليك = انك تخضع له وتقصر له خطاك
و(معجب )بسيراتك و(معجب) بطاريك=و(معجب ) بوقفاتك و(معجب ) بمبداك
عسى الردي والاش يفدا مواطيك = والله يمتعنا بوجودك وشرواك

[ابو طلال]

ابومحمد هو الوحيد الذى لو كتب له الف كتاب ماتعطى البو محمد حقه فى مواقفه مع الناس عسي الله يجزاة الخير الثواب

[برق الحيا]

ابن عويد وجهـك أبيـض .. والشاهـد الله هذي علومه ولايبي من وراها زود ذكر وسمعه ..

ولــــد مســــــــرد .. أهلا وسهلا والمقام الطيب والتواضع الجم هذا أبومحمد ليا جيته .. أشكركـ على المرور الجميل .

أبوطـلال .. أهلاً بـك . وفعلاً أبومحمد وشرواه من شيبانا لن نوفيهم حقوقهم مهما فعلنا ولكن ذكرهم ينومسنا ..

[برق الحيا]

اقتباس: المشاركة الأصلية كتبت بواسطة أبو محمد     يابو محمد متع الله بالياليك = والله يمتعنا بوجودك وشرواك مادمت معنا الله يديمك ويحييك= فحنا بخير وضعنا فوق الافلاك انا اشهد انه عين اسمك امسميك =عزالله انه ما غوي يوم سماك لاسمك مزايا كلها تجتمع فيك= فيه المزايا كامله من مزاياك (معجب) بني عمك و(معجب) عوانيك=و(معجب) عيون اللي من الخوف ينصاك و(معجب ) ضعيف ما هقا في معاليك = انك تخضع له وتقصر له خطاك و(معجب )بسيراتك و(معجب) بطاريك=و(معجب ) بوقفاتك و(معجب ) بمبداك عسى الردي والاش يفدا مواطيك = والله يمتعنا بوجودك وشرواك

الله الله يبومحمـد .. عزالله بيوتً وافيه وجزله ماتجي إلا من قرمً تنومسنا علومه .. وأبو محمد معجب يستاهل عسا عمره طـويل ..

أشكركـ أبومحمد وصح الله لسانـك ..

[بطيحان بن ناصر بن هرسان]

فعلا رجل يستحق الاشادة ,,,,,,,,,,

يعتبر من القلائل الذين برزوا في جيله ,,,,,,,,

من القلائل الذين حازوا على كلمة نعم في زمن ظروفه ومواردة قليلة جدا كذلك ,,,,,,,,,

رجل شرف اسم القبيلة وافتخرت به كثيرا فمن كان ينصاه لايرجع خايب باذن الله من جميع القبايل الاخرى

رجل صاحب خلق ودين وتواضع ,,,,,,,,,رجل يساعد الضعفاء كثيرا وفي الخفاء

رجل يستحق التكريم ,,,,,,,,,ا

[الخلاوي]

مهما كتبنا وعبرنا لانوفي ابومحمد حقه
مواقفه عديده مع ربعه ومع غيرهم من كل القبائل حضر وبوادي مواقف ترفع الراس ويفتخر بها كل مسردي
كل الشكر والتقدير لك أخوي برق الحيا على جهودك
دمتم بودددددددد

[الهاجس]

ماهو غريب الطيب من منبع الطيب ... وشلون نستغرب من الغيم الامطار
ابو محمد يستاهل وجمايله ماينكرها الطيبين
وعز الله انه ينضرب به المثل
والله لا يهينك يا برق الحيا

تحيـ الهاجـس ـاتي