راس ابن شلحاط بين والهبـوب تهبـه
حتى لـو أرسالتـه مخفيـة العنوانـي
فرمضان يصوم ويصلي ويطلـب ربـه
والشهور الباقية بسـم الله الرحمانـي
يستدير وينفخ الجمر الحمـر ويشبـه
ويعتزي ويقول يانـاري ويـا دخانـي
قلت وش بك قال انا مجنون وانت السبه
انت ويا صاحبك ضيدان بـن قضعانـي
تمدحـون المنتهـي وتلبسونـه جبـه
لين قام يزاحـم الفرسـان فالميدانـي
ما درى أنه وكري لو حط فوق الشبـه
يرفع الجنحـان ولا يرخـى الجنحانـي
الشعر مهوب لعبة مـن بغـى يلعببـه
عالم ما تفرق الاصلي مـن التيوانـي
أكتشفت أفكار أبن شلحاط حبـه حبـه
يعتبر نفسـه خليفـة هتلـر الالمانـي
يقولون الرجال
هل بالساعـه البركـه وبالمهـره وبالخيـال
بدايت عمرها خمسه وباقـي عمرهـا عشـره
تفضل ياسميـي وخذلـك مـن دلتـي فنجـال
ولامنـا تقهوينـا خذينـا موجـز النـشـره
على الله كل خطوه في سبيل الحـل والترحـال
احمده واشكره وابدي الحجـه علـى العمـره
بعدها ياهجوس الشعر مابعد العصـر مقيـال
نبي نعقل عراقيـب القعـود وناسـم البكـره
خطا من قال لك لاضاق صدرك غنى لك موال
هذا ماغير حرف وحرف غنه واكتبـه واقـره
عليك برفقة الطيـب وتـرك رفقـة الانـذال
ترا الانذال في لحظه تبيـع الملـح والعشـره
ياسلطان انت من قوماً لهم قدر ولهـم منـزال
لاتشكي من زمانك وانت عودأ من طرف سمره
ابو مليون دش السوق والمليـون راس المـال
وعود يصفق الكفيـن ويعانـي مـن الحسـره
وانا اقول الردى والطيب مايحتاج فيـه جـدال
هذا حراً على وكره وهذى تبعاً علـى وكـره
ربيع العام الاول مـن حنيـذ اليارجـم بـذال
رعاه الي رعاه وشـدو العالـم علـى ذكـره
ومات الحلم وعيـون اليتامـى دمعهـا همـال
تصفق بالكفوف وتنثـر الدمعـه علـى قبـره
اخذ نمـرة تليفونـي وكلمنـي علـى الجـوال
على فكره على فكره على فكره علـى فكـره
ترا بعض الكلام الي نسولـف فيـه ماينقـال
شياطين السما والارض من صفره الا صفـره
بعارين الحمول جمال لـو ان الحمـول ثقـال
مايرجع في المناحي كون ثـوراً جدتـه بكـره
عالم الذرّه !!
أثرْك جالك بطين ونبت لك صـرّه!!
يوم أنّي أزهـم عليـك ولاتحاكينـي
ورثت ورث العجوز وجيـت مجتـرّه
وصنفت نفسك من أصحاب الملاييني!
بالله أبنشدْك كم مرّه .. وكـم مـرّه
يجفونك أقرب بني عمك وتاتينـي ؟؟
تشكي من الفقر .. وتعاني من الحرّه
وأقوم وأقسم معاشي بينـك وبينـي
واليوم تركب على المرسدس وتفـرّه
كنّـك حفيـد الأئمّـه والسلاطينـي
لوّك بدال الأمريكـي عالـم الـذرّه
يمديك أكلت الزوالـي والبطاطينـي
يعطيك من خيره !! ويكفيك من شرّه
عقب التكاسي وعقب الفقر و الديني
أن كان نفسك من المليـون منغـرّه
تـراك خسـران فالدنيـا وفالدينـي
الله هو اللي يسـر العبـد ويضـرّه
والا أنته (أربع حروفٍ) بين قوسيني
تراك مازلت تتبعنـا علـى الجـرّه
من عاد حنّا على ظهور البعارينـي
قومٍ يدينـا تحـوش المـال وتثـرّه
على بيـوت الأرامـل والمساكينـي
لو نملك الكون من بحره ليـا بـرّه
مانمتلك بـه عمـارات ودكاكينـي
والا أنت نفسك من المليون منغـرّه
يكفيك .. وأنا بياض الوجه يكفيني !!
جرج الخواجه
راكب اللي حسها تسمعه كل صوب
مثل زلزال الرعد بالمزون المظلمه
كنهـــا يوم اسـتدارت وضاقن الدروب
فرخ شاهيـنٍ على الطلع ينهض مقدمه
تلها جورج الخواجه ونطحها الهبوب
واعلـنو بطفا الـسجاير وربط الاحزمه
من سلالة شايب ما جمع غير الذنوب
الديانه عكس الاسلام ماهي مسلمه
ما يعرف يقول هذي شمال وهذي جنوب
الدليله بوصله والحروف مترجمه
واهي اللي على رحلته يلقى ركوب
وان رجع والا ان توفى عسى الله يرحمه
أن نوى في مشرق الارض والا في الغروب
المهم ينفذ اللازم اللي يلزمه
فاقد لي شـيخ قومٍ عزيز ومحسوب
محزم في الضيق ياسعد منهو محزمه
والجـفى من بين الاصحاب عيب من العيوب
والصداقه من بنا بيتها ما يهدمه
والغلا والكره ما تسـكن الا في القلوب
بـس مابه قلب فيه الاثنين مخيمه
اتحمل مزح الاصحاب حقين السلوب
واتخير واكل التمر واطش عجمه
واعرف الكذبه لا جت من فم الكذوب
لا قعد يرفع لسانه ويرخي برطمه
واقفل الجوال عن راعي الغوج الهذوب
وافصل الـتعميم عن بـيجري واعممه
وزلـة الطيب ما تجرح متينين القلوب
عقب اللي زلهٍ من صحيبه تزعله
اعتبرها اغلى قصيده من قصيدي
يايـه الاخ الاستـاذ الحمـيـدي
السـلام ورحمـة الله والتحـيـه
وصلكم مني على رقـم البريـدي
مايـلـي ومايلـيـق بمايلـيـه
واعتبرها اغلى قصيده من قصيدي
من تعلمـت الحـروف الابجديـة
والولا والصدق والعلـم الوكيـدي
والمشاعـر هاجريـه ..هاجريـه
والقبيلـه جحـدري ولاعبـيـدي
كلنـا نايـف وزيـر الداخلـيـه
وكل شعب المملكه رايه وحيـدي
صف واحـد والقيـاده فيصليـه
في الرخا يلقونـا عنهـم بعيـدي
انتمشى في فضـا الارض العذيـه
مير لاهز الهوى غصن الجريـدي
اقـرب مـن المملكـة للفيصليـه
صف واحـد لايهـس ولايحيـدي
يدفعه معنـى الكرامـه والحميـه
للمليك نقـول ياعمـي وسيـدي
وللوطن نارد على حوض المنيـه
حينـا يفخـر وميتنـا شهيـدي
ياصـلاة الله وياسـنـة نبـيـه
ومن طلع من صفنـا مايستفيـدي
ذمة المومن مـن الخايـن بريـه
والدواجـن لازكـاه ولارصيـدي
ولاتسمى باسـم ثـروة حيوانيـه
معقدات الشرابيك
ان جيت يا ( .... ) عسى الله يحيِّيك
على الشّحـم ومبهّـرات الدّلالـي
عند الرفيق اللّـي يعـزّك ويغليـك
حيثك ولـد عـودٍ عزيـزٍ وغالـي
وان رحت يا ( .... ) فلاعندنا فيك
تغيـب عنَّـا شهـور والاَّ ليالـي
خذها على الذِّرعان منِّي وانا اخيك
الكذب ماهو من سمـات الرِّجالـي
لاراجـيٍ غيـرك ولانيـب راجيـك
فـي كـل ميـرادٍ طـوالٍ حبالـي
افتـل واحـل معقِّـدات الشّرابيـك
واشيل ما شالت ظهـور الجمالـي
ياما تصعلكنـا وصرنـا صعاليـك
ويامـا تحمّلنـا الحمـول الثّقالـي
للمرجلـه صرنـا عبيـدٍ مِماليـك
وكفوفنـا تنـدا مـن اوّل وتالـي
لو كان مانملك رصيدٍ علـى شيـك
اوجيهنـا عنـد النشّامـا طوالـي
نشوم عن هذي ونِرهي على ذيـك
وما حاشت ايدينا مهو راس مالـي
عليك الفرج ياالله ياحي ياقيــّـوم
إلهٍ عباده كلها تلفت يمــــّـه
الا يارفيقي والله انه عداك اللوم
انا اللي علي اللوم في ذمتي ذمه
ولكن سامحني ترى العلم فيه علوم
ولا يفرح اللي بيننا ينقل النمه
حصل ماحصل والعبد يصبر على المقسوم
يدور الزمان ويخلف العزم والهمه
طرات الرجل لا لحقه من الزمان هموم
ما يدري بسده كود خيرة بني عمه
وسيع البنايد في الشدايد قوي عزوم
لعظك زمانك شال همّك مع همـــــّـه
وانا والله اني ماتهنى بحلو النوم
ورفيقي عليه هموم الايام ملتمه
اشيل الحمل منه واحطـّـه علي واقوم
مقام يورد مظمي الما على الجمّه
لكن الزمان الشين ظالم وانا مظلوم
على الهون ياللي تمدح الوقت وتذمه
تهب الهبايب والسفن في البحور تعوم
وتقفي بها صلف الهبايب عن اليمــــه
هبوب تصلفقها وبحر وسمــــــا ونجوم
وموج تقفاه العــــواصيف وتزمه
طعنات الغلا
صدفه غريبه والحقيقه ماعلى الدنيا غريـب
يازينها صدفه بـلا سابـق وعـد يازينهـا
الله صرفها لي مثل صرف العلاج من الطبيب
أثر الجروح تطيب لا من عولجت في حينهـا
لا طاب جرحي منه من غيره لعلّه مايطيـب
يطعن وطعناته على شان الغـلا راضينهـا
أحلى شوي من العسل وألذ من طعم الحليب
وأحر من همسة شفايفها وغمـزة عينهـا
ومجدّلٍ يوم أنتثر كلّه ماغير يفـوح طيـب
يطيـح لـو ماتفهقـه بيسارهـا ويمينهـا
لاينزعج ترى الجمل ما طاح لو أنّه صويـب
لا يابعـد نـاسٍ تحـد لطيحتـه سكينـهـا
ولايفرح الحاسد تراها طعنةٍ من يـد حبيـب
وشلون أبا انساها وهو بين الفؤاد وبينهـا
الصخره
واهني الصخرة اللي ماتحرقها السمـوم
والزمان اللـي يهـد العـزم ماهدهـا
الزمان اللـي تحـدى قوييـن العـزوم
ليـن مشاهـا علـى ود ماهـو ودهـا
المجامل بعض الأحيان مايقضي لـزوم
قاضب النفس الضعيفه ولاهـو قدهـا
كل ماكبرت وضاقت على عيال الرخوم
نحتزم لأكبر مصيبـه وناطـا خدهـا
ياعيـال آدم وحـواء تراهـا ماتـدوم
دورة الأيــام لابـدهـا لابـدهــا
أدري ان فالناس معطى وفالناس محروم
هيـه يابيـض النوايـا ويامسـودهـا
جعل قسمي عند ربي من خيار القسـوم
واحـدٍ يعـط العطايـا ولا يرتـدهـا
ياوليد البط وشلـون ماتعـرف تعـوم
وانت أبوك يعوم جزر البحور ومدهـا
أنت ياحلمٍ حلمته ماهـو مثـل الحلـوم
ياضحية مزح الأحلام مـادري جدهـا
ياضميري لايهمك مـن الدنيـا همـوم
الصعيبـه حلهـا والبسيطـه عـدهـا
جات في شد الشوارب وفي قرب الخشوم
كبر الضيفه وعش الضيـوف وغدهـا
الردي لو درس المرجله في كـل يـوم
المراجل عنـد أهلهـا يذعـذع ندهـا
ماكشفت الا وضـع والنمايـم والعلـوم
يارسول الحكي هـات العلـوم اودهـا
الصفوف ثنين هـذا دفـاع وذا هجـوم
وانت أظنك مانت معها ولا أنت بضدها
مير في سوق الأظله تريـح ومخـدوم
وان ذبحك الجوع كد التكاسـي كدهـا
عشقت غيدا
عشقت غيداً سمّحتني عـن الغيـد
أقـول والا بـس مانـيـب قـايـل
ميّت ضما والعـد صعـب المواريـد
وبذلت من شانـه جميـع الوسايـل
والشربه اللي من حياض الأجاويـد
تقطع ضما هدف الضلـوع النحايـل
يانووووف .. جيتك من ورا نازح البيد
بالـراس مايحتـاج رد الرسـايـل
وأن كان ماضمّدتي الجرح تضّميـد
تحمّلي شرهـة عيـال الحمايـل !!
أنا دخيل الصدر .. والثغر .. والجيد
أرخي علي شلال شقر الجدايـل !!
هـذي تكفينـي مـن العيـد للعيـد
وأنا علـي يانـوووف رد الجمايـل
أحظنك بأشواقي !! من الإيد للإيـد
وشعرك على هاك المبيسـم تمايـل
ياقوم يامبسم ( نجـاح المساعيـد )
أنتي مثل تضـرب عليـه المثايـل
حبّي وحبّك حب ( عليا وأبو زيـد )
والا مثل حب ( الطنايا لحايـل ) !!
الليالي مشاكلها عراض طوالي
الليالي مشاكلهـا عـراض طوالـي
للنفوس الشقيه والنفـوس السعيـده
غاره من يمين وغاره مـن شمالـي
توهمك بالهدوء وعاصفتهـا شديـده
ياوجودي علي الراحه وياوجد حالـي
ليت مالـي مـع الشعـار ولانشيـده
هب ياهالزمان اللي غزانـي لحالـي
كل يوم علي الهاتف يجيني قصيـده
ذي معاتب حبيب وذي مشاريه غالي
وذي تحفض من السكر وهاذي تزيده
والعرب علمهم بي يوم صدري شمالي
والليالي مقفت بـه لايمكـن تعيـده
روحت مع مهـب الريـح ياهملالـي
ماحد جت له الدنيـا علـي مايريـده
والتجارب عطتنـا ميـزه الاحتمالـي
ودرستنا مشاويـر الحيـاه البعيـده
ان مابـه حيـاه الا وراهـا زوالـي
والبنـادم بهالدنيـا شبوحـه بعيـده
مير ماهيب لامكسـب ولاراس مالـي
كود من حط قوله والنعم في رصيـده
وطاب عند البعيد وطاب عند الموالي
وله نصيب الاسد من الخصال الحميده
وان تثنت عزوم مشوربيـن العيالـي
عزمه اقوي من ظروف الحياه العنيده
يرتكي بالمناكـب للحمـول الثقالـي
والطفر في راسه المطنوخ والا وريده
خل فعل الجدود وخل فعـل الخوالـي
ندري انك ولدهـم والعلاقـه وطيـده
وندري ان فعلهم يستر بنات الحلالي
حتي لو جدك اكحيلان وانتـه حفيـده
اما حث القدم واطلع علي راس عالي
والا خلك كذا وان مت ما انت بفقيده
جمره على غليون
انا يازماني في فوادي ثلاث اطعون
ولاهي بطعنه من سيوف اوسكاكيني
من افتح ياسمسم والايافلم ابو كرتون
امورن تغث اكبود حتى الوراعيني
وجمهوري الغالي يسوق الشره ويمون
ونا قد شرهات العتب من محبيني
يقولون ماشاركت وقول انت توحون
ابي كل واحد يفتح اذنه ويوحيني
لابالله ماشاركت في شاعرالمليون
لواني على المليون تومي شراييني
ولكن اناماني بخبلٍ ولامجنون
اجي وقطع ارزاق العبادالمساكيني
الاياحمام الورق يااللي تجرلحون
تغانم زمانك بين خضر البساتيني
تراهالا ركبة كل جمره على غليون
وراد الله انه يصفل الما عن الطيني
مثل ماوطى هامان والاوطى فرعون
ثياب الشرف ماتستر الاالشريفيني
حشرنا الضبا بقرون ولا بدون اقرون
وراس الظبي يقرب من النار ويليني
والاجواد مدت للمواهب اكفوف العون
وهذي صفاتٍ من صفات الكريميني
والاقزام تهدم واهل المعرفه يبنون
صروحٍ من الامجاد ماهي من الطيني
بنتها الكفوف اللي كرمها سحاب مزون
رموز العداله نصرة الحق والديني
غضبهم وانا سلطان يهتز منه الكون
وكرمهم تربع فيه حتى البعاريني
اصاله عربيه وتاريخها مصيون
عناوينها تفوق كل العناويني
جبالٍ قممها فوق والها حجر وركون
قممها تشرفني ذراها يذريني
عسى الله يهونها على الناس لين اتهون
تزين القرايه فوق روس المجانيني
ضعاف العقول اللي تهبد على مالون
على كل ملواحٍ تهز الجناحيني
ماتنضف يديهم لو تغسل من الصابون
كثر ماتمد يدينها في المواعيني
يدين عساها كرم الله من يوحون
والا تدري هذي حطها بين قوسيني
قبل لاتخيب ظنون والا تصيب ظنون
وذي عين تبكيلي وذي عين تبكيني
عزفنا وترى ماله علاقه بنجدي فون
نحاول نعدل مايلات الموازيني
رساله وباقي سرها في الثرى مدفون
سواة الامانه في وجيه المياميني
ابداع القصيد ابداع والاحتراف فنون
والابداع في كل المجالات يعنيني
وشعر الحداثه لامقفى ولا موزون
بلا مذهب بين ولا له قوانيني
وعندي النهايه لعنة الله على شارون
عسى الله من اسرائيل ينصف فلسطيني
قالو شراله خمس ميه وستين
مسكين قلت اللي على البال كافي
مدامني فنظار الأقزام مسكين
هذا دليل إني عزيز و وافي
نعم شريت البنزالأخضر بتسعين
سمته وتليته بتسعين صافي
أبيه لاقفى من الليل ثلثين
وأقفت مدافيح النجوم المقافي
أنخاه والدمعه تحت محجر العين
نخوة دريكن ناخين له سنافي
غيرت له زيته وعبيت بنزين
وأستنشق البنزين عقب الوقافي
كنه يصعط من صعوط المجانين
يرسي ليا جا فالطريق أنعطافي
وأقفا كما فرخن كفخ بالجناحين
نور الحسا قدمي وسلوى خلافي
منصاه في نجدالعذيه سلاطين
أهل موقفن يوم الحرايب يشافي
الآاد روق مرجحين الموازين
شطرن ركب من قاف غيري وقافي
أقولها هالحين وأول وهالحين
غصبن على أهل النفوس الضعافي
الضماير نظيفه
أنا ولدهاجر وخصمي ولد روق
حصن تصاقع والضماير نظيفه
لاحلق الجمهور طوق ورا طوق
مثل الضوامي فوق وادي حنيفه
ولاأنت لاعاشق ولاأنته بمعشوق
ولالك مع أصحاب الوظايف وظيفه
وأنا كتبت الشعرطاروق طاروق
وأحيان أوفق فيه وأحيان أعيفه
ولاعاد له معنى ولاعاد له ذوق
تقاسموه أهل النفوس الضعيفه
طاروق عانيه وطاروق مسروق
وأقرب قناة فاشله تستضيفه
ياضاوي
إن جيت ياضاوي عسالله يحييك
على الشحم ومبهرات الدلالي
عندالرفيق اللي يعزك ويغليك
حيثك ولد عودن عزيز وغالي
وإن رحت ياضاوي فلاعندنا فيك
تغيب عنا شهور ولا ليالي
خذها على الذرعان مني وأنا أخيك
الكذب ماهو من سمات الرجالي
الصراحه
الصراحه مزعجه وأنا صريح
تزعلك ماتزعلك باقولها
شاعر موهوب ولساني فصيح
وسابح عرض البحور وطولها
والافاعي سمها ينذح نذيح
والعقارب سمها في ذيولها
ماعلى الدنيا ضمير مستريح
كل خلق الله تهن خيولها
ذا يحن وذا يون وذا يصيح
وذا يخطف راسها ورجولها
والشعر هذاقبيح وذا مليح
وكلبوها سارين مفعولها
أجلدالقبيح في وجه القبيح
وقول وش رايك وقول أصولها
ولاتدري مايصح الاالصحيح
خاطب العالم على قد عقولها
ورد الأشواق
مرحوم ياحبٍ ترعرع بالأعماق
متغذي دم العروق الصّخافي
في كل عضو له مقر وميثاق
بين الضلوع العوج بيّن وخافي
يروق مع روقه مزاجي اليا راق
ويحس بي اليا لحقني أخلافي
ويحس بأشواقي اليا صرت مشتاق
قدّام يصبح فالامور اختلافي
واليا هنا علقّتها فوق معلاق
وسليت سكين الخيانه ياكافي
ودعتك النسناس ياورد الأشواق
كرامتي تحكم علي بأنصرافي
قطفت منّك ما تهيّا وما لاق
ورميت باقي ذكرياتك خلافي
لا دمعة طاحت ولا خاطر ضاق
ماقول غير اللي على البال كافي
يكفي ثلاث سنسن مرّت على ساق
عين فراش لك وعين لحافي
واليوم في تسعه وتسعين طقاق
قلبي كذا طبعه اليا عاف عافي
الله يبيض وجهك على امتاعنا بهذه الابيات الجميله لشاعرنا الكبير ..... دائما متميز مبشاركاتك القيمه.......لاهنت .....تذكرت مقوله الشاعر الكبير حمد السعيد مافيك حييييييييييييييييله؟
من ديوان الشاعر سلطان ابن وسام
العرض العادي
