يا رب

[عبدالله المشعلي]

يا الله .. يا اللي كـل عبدٍ .. سـجدله
يا واحـدٍ .. لرضاك .. ركـّاع وسجود
يدعوك عبدك.وانت منك المدد له
انت الذي..حبل الرجا فيك ممدود
يا رب .. من قرب الامل.. والبتعدله
رجاه فيك .. ومنك بالخير .. موعود
تفرج .. لمن جفنه جفا النوم قد له
كـثر الطواري .. للصلف قادته قـود
على الصلـف قـدلـه .. ولا ينرقـدله
يـعـاف حلو النـوم .. والعالم رقـود
بعد فـقـد له حاجـةٍ.. تـنـفـقـد له
اللي يبي مفقود .. والنوم .. مفقود
لا واهـني اللي .. مع الناس .. يـدله
ماهو سوات اللي.غدت كبده الهود
حطّه زمانه .. بـين مـيـلـه وعـدله
حتى غـدا حاله .. مثل ناحل العود
واللي بـقلبـه هـمّ .. مـا يـنقـعـدله
يـقعـّد الـقـيـّـام .. ويـقـوّم قـعـود
عبد الله المشعلي
عام (1440)