مريت بيت(ن)كان مصدر للافراح=واليوم كاسيه الحزن والكآبه
والدمع من عيني على وجنتي طاح=ون طاح دمع العين مامن غرابه
يابييت نقضت المواجع والاجراح=وذكرتني بغلا واعز القرابه
يابيت قلي وش بقى فيك مارح=خبر صويب(ن)جاك ينقل صوابه
من اول يابيت لا جيتك ارتاح=واليوم في عيني سوات الخرابه
جلست احاكي البيت لاكن ماباح=ماباح باسراره ولا جا جوابه
بيت الكريم القرم كساب الامداح=الشايب اللي دوم يمدح جنابه
لبس المراجل مثل مايلبس اوشاح=طيبه مثل مزن(ن)نزل من سحابه
رحل وخلا البيت مصدر للاتراح=تومي معاصير الهبايب ببابه
تقرع شبابيكه عواصيف وارياح=ويسفي على الجدران سافي ترابه
بيت(ن)لياجيته تذكرت ماراح=وتلعب بي الذكرى على جال بابه
الكآبه
العرض العادي
