محاوره مع ابومحمد

[مناحي معدي المسردي]

صاحبك ياعايض مع الناس هايم=يقول انا محبوبتي عذبتني
احبها وانا من الحب صايم = حاولت اخفي حبها وغلبتني

[أبو محمد]

يا صاحبي جعلك مع الناس دايم=شوقتني وعلومكم شوقتني
لاني بلا ناقد ولاني بلايم=لأنها قبل ماتعذبك عذبتني

[مناحي معدي المسردي]

انته ولدها في كبار العزايم= وتقول بعطيها ليامن عطتني
وانا ولدها وذبحتلي تمايم= شربتها حب وغلا وشربتني

[أبو محمد]

ياصاحبي حنا ولدنا توايم=متساوي(ن)مقياس متنك ومتني
جالي غنايم وانت جالك غنايم=لاخسرتكم شي ولاخسرتني

[مناحي معدي المسردي]

خيالها في القلب قاعد وقايم=من حبها حتى الحلام ازعجتني
الحب ياعايض يهد القوايم=ياليتني هجرتها وهجرتني

[أبو محمد]

قبل امس وانت معيف واليوم رايم=وتقول قامت تفتن القلب فتني
والوقت راح وصار في الفور تايم=عز الله ان بعض السوالف شعتني

[مناحي معدي المسردي]

انا مضريها بقطع الخرايم = وليا مسكت خطامها طاوعتني
والوقت راح وبعض الاصحاب نايم=يقول لا لاوعتها لاوعتني

[أبو محمد]

قطع الخرايم فيه لفح السمايم=اللي تحتن مشتت الراي حتني
انا من اللي يلزمنه لازيم=ماطيع نفسي للخطاء لابغتني

[مناحي معدي المسردي]

خذنا على قطع الاشاره قسايم=وعلى بريدي ردة الفعل جتني
مالي ومال مكبرين العمايم= سامحت نفسي مير ماسامحتني

[أبو محمد]

كبد الفضاء قدام كافخ وحايم =وش عاد تتني ويش وش عاد تتني
سجل حضورك بين بايع وسايم =والسوق له حد ونهايه وحتني