ياوجه اقحطان

[الطرقي]

يا قحطاني وين قفيت ياوجه اقحطان =عقب ماحمّلت نفسك بغير حمولها
أشهد أنه صدق مابه على الدنيا ضمان =السوالف الاوله قاضي (ن) مفعولها

[القحطاني]

ياعميل الخير ماني بجيب الا السمان =كلمة من غير معنى مانيب أقولها
كيف أوصف واحد ما فهم وصف المكان =مالي الا اخاطب الناس قد عقولها

[الطرقي]

أنت جيت بتنصر فلان وفلان وفّلان= غير من نصّرتك الاجواد خلك حولها
دام وصفّك مايعرف الثلاث من الثمان= وش يعرّفك السنه وأختلاف فصولها

[القحطاني]

جيت في فم الاوادم مثل علك اللبان = وثابت الدنيا تقدم على منقولها
الاوادم صابها الشك في تالي الزمان= وان تساوى عرضها ما تساوى طولها

[الطرقي]

عادة العالم تكلّم وكلاً له لسان =مايفرق في الرياجيل غير فعولها
ودام صابك شك والمرتفع عوّد طمان=خل غيرك ياقحطاني يقوم بدولها

[الذيب2010]

صح اللة ابدانكم جميعا وانتم كفو وفحول شعر وشعار من الوزن الثقيل ولشدة حماسي مع المحاورة اشل الصوت بابياتكم والحقيقة انتم نجمان ساطعان في سماء المنتدى ولا اقدر اقول الا اللة يبيض وجيهكم على الحماس الذي لا يوصف تقبلو تحياتي وجزيل احترامي اخوكم الذيب

[القحطاني]

مايبين المجتهد غير ساعة الامتحان =لا يغرك من تشل العرب بطبولها
يابيوت الجود دمتي على مر الزمان =ماجحد عقال الاجواد غير خبولها

[بعيدة نظر]

ابيات درر ومحاوره ثمينه

حكم ,,


لاهنتوا يالشعرااااااااء

صح السناكم


,,,

[الصريح]

؟؟؟؟؟؟؟؟؟؟؟؟؟؟؟؟؟

[الذيب2010]

صح الله السنتكم مره اخرى هاذي المحاوره ولا بلاش تقبلو تحياتي اخوكم الذيب