كبوة جواد الحظ
.
.
[poem=font="traditional arabic,7,black,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black""].
.
يقول يا حظك بقلبك وأنا أقول=أنا وقلبي بين راحل ونزال
أنا غريب الدار والدرب مجهول=حفي القدم يطرد سراب أشهب اللال
وأيام عمري بين عدلات وميول=والميل جور الوقت والحظ لا مال
الحظ في عيني مثل ذاير الجول=كبوة جواد الحظ في عين رجال
وجه القدر ليلٍ ويرخي بي سدول=وأنا سريت الدرب والليل وان طال
ودارت رحا الدنيا على داير الحول=متقلبه ما ظن تبقى على حال
ومليت من طرح أسئلة ما لها حلول=ان كان حظي ما كسب منوة البال
ياكم نخيت الحظ وأرسلت مرسول=وأسمع صدى صوتي ولا فاد مرسال
بأصبر ولو صبري على النعش محمول=وان طاحت السكين ما طاح جمّال
ويا للي تعذل القلب لا حب مجمول=القلب عاشق في هوى الزين ميّال
والحب كم عذّب وكم شيّب عقول=وكم حطّم قلوبٍ على مر الأجيال
وحبٍ قصير وحب يبقى على طول=وحبٍٍ يموت وحب تضرب به أمثال
ويقول يا حظك بقلبك وأنا أقول=قلبي غدى ما بين راحل ونزال
القلب حتت من معاليقه فصول=عاشق وفي درب المحبين رحال
[/poem]
[align=center].
.
محسن المسردي[/align]
تعليق