لعشاق الطيور ولع بطيورهم، ومحبة كبيرة تربطهم بصقورهم، وكان لسيدي صاحب السمو الملكي الأمير سلطان بن عبد العزيز - حفظه الله ورعاه - طير من أحب طيوره إليه، وضاع هذا الطير الحر في إحدى رحلات القنص التي قام بها الأمير سلطان، فكتب - حفظه الله - قصيدة يتوجد فيها على طيره وأرسلها إلى الأمير الشاعر محمد الأحمد السديري - رحمه الله - بخط يده، فجاوبه الوالد بقصيدة كتبها أيضاً بخط يده.
والقصيدتان تعبِّران عن نفسيهما،
قصيدة الأمير سلطان بن عبد العزيز - حفظه الله -
يا طيري اللي مالقينـا مثيلـه
أللي على جول الحباري يهدي
لاشافه الحفـال ضيّـع دليلـه
عطب المخالب صاملٍ ما يصدي
نادر نداوى والموامي طويلـه
لياما خذينا برقعـه مستعـدي
لو هو ولد عدا على كل جيلـه
لازم على كل النشامـا يعـدي
وليوم كن الكبـد فيهـا مليلـه
طيري غدا مني وأبو زيد سدي
لو ان خالي فيه كان اشتكي له
اعلمه باللي جرى واستجـدي
والله ما ألومك يا زبون الدبيله
يومك بزينات المثايـل تـردي
ماشفت شفنا مالنا فيـه حيلـه
أمر الولي لامن مضى ما يردي
مانيب اقوله قصدي ابغي بديله
ما كل طير في شلاح بيسـدي
رد الأمير محمد بن أحمد السديري - رحمه الله -
حي الكتاب اعداد وبـل المخيلـه
وميه هلا من خاطـرٍ مجرهـدي
من خاطرٍ صافـي ودادك يشيلـه
يالفيصلي ضيمك لقلبي يضـدي
ياشيخ يـاراع الفعـول الجميلـه
يا منتهى شكواي وان باح سدي
يا درعي الضافي الياشفت ميلـه
محكم حلق ضافي بالاردان قـدي
يا سيفي الصمصام عـز القبيلـه
يا للوذعي يالنـادر المستهـدي
يالليث شيـال الحمـول الثقيلـه
شبرك على شبر العيال متعـدي
أصبر بصبري عن ذياب وحصيله
والصبر يا سلطان ما عنه بـدي
ذيـاب قبلـه ضيّـع الله دليلـه
اللي على الفرقـا تحـدا تحـدي
مالي جدا الابس بالعيـن أخيلـه
لين ارتفع فوق السحاب المسدي
أنشهـد ان الطيـر غـادٍ دليلـه
ينحاش لو تنعـم عليـه وتكـدي
أشلاح منه الصيد يكثـر جفيلـه
نادر وفـارق نـادرٍ لـه يـودي
طير السعد يا حيف خلا عميلـه
على الوفا ما لـه قريـن يقـدي
ما يذكر انك فوق كفـك تشيلـه
وعز الله انه صار منه التـردي
انشاء الله تحوز على رضاكم
قصيدتان بين لامير سلطان وخاله محمد السديري
العرض العادي
