خالد بن معدي
يابن حيبان جددنا التحدي والعلـم مرفـوع=على وضح النقا ماني بضريها على الذلـه
ابا دخلك في موضوع واطلعك من موضوع=تراك انت انت حتى لو عطوك البشت والفله
عايض بن حيبان
الا يامرحبا ترحيبة(ن) ترهي عليك اسبوع = تعّود من بعدهـا فاهـم والـدرب تندلّـه
مواضيعك كثيره والحقايق دربهـا متبـوع= ولا تهتم دامك تحت حكم الشـرع والملـه
خالد بن معدي
يدوم الك البقا وامسك طريقك واترك الممنوع=قبل لا امسك شريط الذكريات السود وافلـه
ما ندري عن جديد سياستك ياريس المشروع= لعلك تعطي العمسان فنجال (ن ) من الدله
عايض بن حيبان
انا اشوفك من ايام مضت تمشي الدروب قطوع=واثر ذا العنفصه من فلم ذكرى جيـت مشتلـه
انا بحط مثل (المشعلي ) لك نتقـة الجربـوع=عساها تقنع اطماع الضميـر وتبـري العلـه
خالد بن معدي
على النهج السليم امشي وصوتي بين ومسموع=يوم انك تختفي و تبين في حلـه وفـي حلـه
بعدها يصبح اللوم اقرب من الكوع للكرسوع=ليا بانت عليك الشمس ما حد(ن) ضللك ضله