المرحوم الشاعر سعود بن صالح بن دليم

!! تقوى الهجر !!

يالله ياللي جميع الخلق يرجونه = فرج هموم بصدري ضيقة بالي
أنظم قصيدي واهل ابيات موزونه = وأشكي على الله علوم غيرت حالي
ناس تشيل السلاح وناس مطعونه = وناس تغير حسب تغير الاحوالي
قلنا بنمشي تراها تكرم عيونه = واليوم منه الخطيه جات فالحالي
سعود همه وهمه ناس ملعونه = وارجي رجال بوقت الضيق مدهالي
يالله ياللي جميع الخلق يدعونه = سلط عليهم بعله يالله الوالي
لا واحسافه عقب ماوقفوا دونه = قلت احسبنه لاضاق الوقت يسعالي
اول ليامن زعلنا جنت جنونه = يسعى لنا بالكرم وعلومه جزالي
واليوم لحقه ردى منهم يماشوهنه = معذور معذور واشهد بانه الغالي
ياخوك علمي ابيكم لي تردونه = واسرع بحله ترى جور الزمن طالي

(نواف المسردي) · 20 / 04 / 2009, 35 : 11 PM

الله يرحمه القصيده حافظها من قبل واستمتعت بلحنه فيها من قبل لين حفظتها ومشكوووووووور يا تقوى الهجر

برق الحيا · 20 / 04 / 2009, 45 : 11 PM

الله يرحمه ويسكنه الجنه ,, أبيات معبــره ,

شكرا لك ياتقوى الهجر ,,

تحياتي

الذيب2010 · 09 / 07 / 2009, 10 : 06 PM

اللة يرحم الشاعر سعود بن صالح ويجعل مثواة للجنة ولاهنت على هذا النقل والحقيقة انا لم اعلم بهذة القوة الشعرية لدى شاعرنا يرحمة اللة الا بعد وفاتة تقبل مروري اخوك الذيب

خالد بن معدي · 11 / 07 / 2009, 56 : 12 PM

شكراً تقوى الهجر على هذا النقل ونسأل الله العلي العظيم ان يرحم الأخ سعود ويسكنه فسيح جناته واشهدكم بالله انه من اعز الأصدقاء وقد حزنت لفراقه ولكن ما قدر الله فعل رحمه الله