نداء خاص ومستعجل لعايض بن حيبان

[محمد بن عايض المسردي]

صح ألسنتكـــم........ومن الممتــع أن نرى مثل هذه المحاورات...
التي من العيار الثقيــــل....صح لسان الشاعر الأسطـورهـ.....عايض بن حيبان..
والشاعر المتميــز....خالد بن معدي....

[خالد بن معدي]

امحق بشاره وانت ولعتها شعله ودخان=تبغاني أرضى غصب ولا تنفذ فالذراعين
ام اللبن نرويك من درها لاجيت ضميان=لاشك ماقللت حرصي على الدار وعلى الدين

[خالد بن معدي]

جميع الأخوه شكراً على المرور والقصد من هذا المتعه لجميع أعضاء المنتدى وتجديد العهد بالشاعر الكبير ابو محمد وأنا للأمانه أفتخر حينما اواجه او العب مع ابو محمد

[أبو محمد]

شكلك بلشت بها وتحليلها عند ابو راكان= اليا نشدته علمك حلها ياخالد الفين
البل لاهلها وانت يا صاحبي عاشق وطفران=معهم تباري للظعن وان خذيت اشوي وتبين

[خالد بن معدي]

في ذمتي ما ابلش ولا احتاج شور فلان وفلان=لكن دربك يرجع يسار وانا دربي يمين
انا بدوي(ن) يجذبه بارق النوه ليا بان=والشرك ما خلاك تنظم لصفوف المصلين

[أبو محمد]

اليا خذيت الشور من فاهم مانته بخسران =يمكن يصير الدرب واحد ولا نحتاج دربين
انت بدوي (ن) يجذبك للبداوه ساحر عمان=اللي جعلك تجر الالحان من بين الصلاتين

[خالد بن معدي]

انا اسمع الأشوار لا صرت في الموضوع بلشان = ولا معك ماني بمحتاج شور ولا براهين
امر في بستان وأقطف منه وأكب بستان = وانته كرانيف النخل من نصيبك يابليهين

[أبو محمد]

صحيح ما تحتاجها لانك بين ارباط وعنان=مرخي عليك احبالها عمد وراعيك بالعين
ياللي تخير في البساتين بعض الشي حقران=والله مارضى بالمهونه ولو ربحي ملايين

[ALHLALI]

مــــحاورة جميلـــــــة جداً..

[برق الحيا]

< متااابع لهذه المحاوره التي تجمع شااعرين كباااار ,,!