ابو جود مع التحيه

[أبو فيصـل]

يابو جود إن كنت حي وفي راسك شرار=اجمع اسلاك النعاره ولامس روسها
والله إني خابرك طير حر من حرار=من شرب من صافي الجم قبل يحوسها

[أبو جود]

المعذره يالربع لاني بديت المحاوره قبل اسلم على العموم لكن انشاء الله في قصيده بتنزل قريب
وهي عباره عن مصافحه لكم بس سفير المحبه خذاها حامي حامي فاستاذنكم
استلم ياسفير المحبه

مرحبا ياللي تنشد وخطواتك جسار= وانـتـبـه لاسلاك خـطـر عـليك تـدوسها
والله اني خابرك يسر منته باليسار= من شرب من صافي الجم حفظ دروسها

[الاستاذ]

ابو جود صح لسانك , وارحب تراحيب المطر ,ويا ليتك تطلع الي ببالي واذا انت الي اقصده فأنت شاعر ومكسب كبير للمنتدى.

[طيب الفال]

صح الله السان الجميع كلمااااااااااات حلوه من الجميع ونامل انشوف اكثير من مبدعييناااا الغالين عليناااااااااااااااااااا

[أبو فـلاح]

هلا أبو جود مبروك الإنضمام ..وارحب ياسفير المحبة ....

[أبو فيصـل]

طيب الفال ابو فلاح شكرا على مروركم الجميل ودمتم سالمين

[أبو فيصـل]

البقا والسالفه وين تحديد المسار =والخشوم الطيبه حالف ان ابوسها
انت في وسط المدينه وانا عند المطار=لاتقابلنا رمينا الهدف من قوسها

[أبو جود]

الاستاذ/ مشكور على مرورك وانشاء الله اكون اللي في بالك وشهادتك وسام انت واللي شرواك
ابوفلاح طيب الفال مشكورين على مروركم وانشاء الله تكون المحاوره ممتعه

اخوكم ابو جود

[أبو جود]

بيدك الطاره توكل وعجل بالقرار=عزك الله في مقامك نبي ملموسها
الهمام اليوم نبغي بها جني الثمار= ولاعرفنا صاحي الناس من ملحوسها

[أبو فيصـل]

السفينه مبحره دون وجهه او شعار=ولاعرفنا ريس القوم من مريوسها
في زمان ماعرفنا اليباس من الخضار=من تساوت قمة الارض هي وطعوسها