اطلب ابو راكان للمحاوره

أبو فيصـل

ياسلام الله على اللي لهم باع طويل= والمعاني يامناحي نبي مضمونها
الله يدلك على الحق كان انك دليل=اكشف المستور والملعبه بفنونها

مناحي معدي المسردي · 11 / 02 / 2007, 54 : 12 AM

مرحبا بك ياعميل يدور له عميل= روح في شونك وخل العرب في شونها
والله انا مانبي في الجميل الا جميل = وان كشفنا راسها وش يخش قرونها

أبو فيصـل · 11 / 02 / 2007, 26 : 01 AM

ماني بتارك تاخذ وتعطي كل ليل =والعرب ياذيب قامت تعرك عيونها
الجزاله يامناحي تبى العلم الجزيل=كان تكشف راسها بدلي مادونها

مناحي معدي المسردي · 11 / 02 / 2007, 44 : 01 AM

ياسفير الحب خلك مع العالم ثقيل = ماعرفنا صاحي الناس من مجنونها
مادرينا عن شعورك بعد ذاك الرحيل=انت مدري من ورى دبي والادونها

أبو فيصـل · 11 / 02 / 2007, 13 : 02 AM

الثقل صنعه واظنك تدور مستحيل=طبعي المعروف ماغيرته سنونها
السؤال اللي سالته يبي علم (ن) قليل=لاتبعدني بعيد وتجر لحونها

مناحي معدي المسردي · 11 / 02 / 2007, 32 : 02 AM

ما لقينا في سباق الجمال الا شعيل= والذياب الجايعه له تحد سنونها
ياسفيرالحب مانته على العالم وكيل= مشها مادام تمشي حسب طبلونها

أبو فيصـل · 11 / 02 / 2007, 24 : 03 AM

الله لامنه عطا ماترده يابخيل=وخنجر(ن) ماتذبحك لاتخاف طعونها
يكفي انه في ضيافة هل العلم الجليل=الشيوخ اهل الكرم ماتغير لونها

مناحي معدي المسردي · 13 / 02 / 2007, 17 : 01 AM

والله اني عارفك لاتحط ولا تشيل = شجرة الزيتون ماحد كلا زيتونها
ليه ماتزهم ربوعك مزمبنة الدخيل= جعل كبد الجاهل تموت من طاعونها

أبو فيصـل · 13 / 02 / 2007, 10 : 02 AM

كل عصر يامناحي وله جوله وجيل= وانت لاتنكر على الناس في قانونها
والله اني من ربوعك ولاني من هذيل= ونخوة الفرسان معروف من يحيونها

مناحي معدي المسردي · 13 / 02 / 2007, 30 : 02 AM

لعبة الاطفال بين المقابل والقبيل = انفخوا بالونها وفقعوا بالونها
اعرف انك من بلد جاش يا الاصل الاصيل= بس قصة فقرك الناس مايبغونها