اطلب شاعر محاوره اذا امكن

[عـــز الـــخـــوي]

الله لايهينكم

وماقصرت يامناحي سديت اللزوم وكفيت الشعراء الموجودين

وياليت المارد يبن (( حـروف الكـتـاب الـلـي تهجابـهـا ))



تقبلوا تحياتي
عـــــــــــــــز الــــــــــخــــــــــــوي

[المارد]

المارد مسلم ويتبع منهج المسلمين= وله وقفةٍلااحتمى الميقاف يدرا بها
الضيف لاتسأله والغيث علمه يبين=ياللي تنشّد عن الشعار وانسابها

[مناحي معدي المسردي]

يافلان ماقلت ويش اسمك وخلك ذهين = الناس مابين صفرتها ومضرابها
اظن فيها وفيها مانع ماتبين = وشلون باسومها وشلون جلابها

[المارد]

أنا اسمي المارد الله يصلحك يافطين =اسمي علم ماهو بكنية أكنى بها
لاتتبع الظن وأخذ العلم مني يقين =كم راميٍ لا رمى الشارات ماصابها

[مناحي معدي المسردي]

جاوب على المسأله واسمك عرفناه زين = خله على جنب واترك منك شعابها
ان كان ماجبتها لاتشغل المسلمين = تطلع وتنزل ولا ندري وش اسبابها

[المارد]

المسألةحلهايأتيك في جملتين = والجملة المُعربة لا تحاول اعرابها
ياشاعر المنتدى ضغطك طلع حبتين = والنار لو تشتعل يحرقك مشهابها

[مناحي معدي المسردي]

طالت وانا وانت رحنا بين جيم وسين = هذا قفل بابها هذا فتح بابها
تغيب يومين ثم تردلي كلمتين = ان كان في الجيب اجابه لاتغلابها

[المارد]

المارد المشعلي شاعر وفكره ذهين =يبدع بيوت القصيدة و يتغنى بها
إن غبت ماغابت اخباري مع الغانمين =واهل الوفا تُفقَد إليا طوّل اغيابها

[مناحي معدي المسردي]

حي الله ربوعنا اللي يذبحون السمين = يوم الليالي تخمش الناس بانيابها
كل العلامات حمراء والمضارب حزين = الاوله جات والاخرى مايدرابها

[المارد]

دام البقا وانتم اهل الطيب في كل حين = من لابةٍمااهتنى بالنوم حرّابها
الاوله مااكثر التجار والخاسرين= والثانية زان يابو زيد جنّابها