... محاورة بين...
حمد السنـّاح
... و ...
عبدالله المشعلي
بتاريخ " 28/9/1431هـ "
[poem=font="simplified arabic,6,darkblue,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black""]
=حمد السنـّاح
يا مرحبا ترحيبتن تصرف مثل صرف النقود=باللي ضلوعه تمتلي من طيب مدري من رداه
يالمشعلي جاني خبر عن قرحتن فوق الكبـود=من غبنها يا صاحبي تبكي سراتك والحصاه
=عبدالله المشعلي
أبك البقى والجود يا السنـّاح يعطى من وجود=وأنا ضلوع من حديد وكنزها كنز الغناه
العلم جابوه الطروش من الحدود إلى الحدود=اللي يخلون المقيم يشد ويبعّد مداه
=حمد السنـّاح
شفت المخيله خيْلت من دون برق ولا رعود=والقدْر لي هالحين يا رجال مكشوفن غطـاه
العلم مثبت يا صبي قحطان والعالـم شهـود=مير اعترف قدم العرب والبرق معروفن سناه
=عبدالله المشعلي
ترى المخيله سيلها لما حدر هـدّ السـدود=واهل القرى توخذ على الغفلات يا الله النجاه
خل العزى عند الفجا والنار من قدح الزنود=واللي يبي رد البراء منا يجيب اللـي وراه
=حمد السنـّاح
ما فيك يا رجال عن بعض العرب نقصن وزود=وأهل القرى بخدورهم والا تحت ضل الصفاه
يالمشعلـي حنـا سرينـا بالغنايـم كالفـهـود=وانته على الموتر تفره كل ما تركـب عـلاه
=عبدالله المشعلي
الظاهر أنك جايب لك علم من عاد وثمـود=ونسيت لك شي لكن بعض العوارف ما نساه
ابعيركم يا بدو جاكم لا رمـوح ولا هبـود=واليوم حمران النواظر ما تبيعه من غـلاه
=حمد السنـّاح
السالفه يالمشعلي في عينك اليمنى رمـود=لا تعتمر يا صاحبي قدام توفي بالصـلاه
ابعيرنا في جرته يرثع من الغبنـه قعـود=لو عرضوه السوم ما تقدر على قيمة شراه
=عبدالله المشعلي
حنا على ملة شفيع الخلـق والسيـد يسـود=ولا رميت مـدور الخلّـه لكـن الله رمـاه
من بعد ما بانت وجيه الصادرات من الورود=حطوك عطران الشوارب من تحت كم العباه
=حمد السنـّاح
لا تتعب اركابك ورانا لين ما ترد العدود=يا راعي البندق تركد قبل لا ترم الرمـاه
أوجيهنا يا صاحبي بالملحمه ما هي بسود=والسيف باليمنى طويل الباع قدامك خذاه[/poem]
تعليق