محاورة بين
عبدالله المشعلي
و
عايض بن مذكر ( زميع )
بتاريخ ( 12/11/1432هـ )
عبدالله المشعلي
يا ( أبو حسين ) يومنك واعدتني=كيف صاحبك في موعدك ترهنه
هذي الكذبة اللي يسمونها=( وش تسمونها وش تسمونها)
.=.
تظهر الخافي وتخفي البيني=وانا اقابلك بالحجة البينه
والأمانه بعد عند مامونها=( وش تسمونها وش تسمونها)
عايض بن مذكر
موقفي واضح وأنت ما احرجتني=والعذر كل من دوره عينه
تنكر وجيه قوم تعرفونها=( وش تسمونها وش تسمونها )
.=.
كل ما أمد حبل الصله ينثني=والله ما اقابل الكفو بالهينه
تزرع الشجرة وتقطف غصونها=( وش تسمونها وش تسمونها )
عبدالله المشعلي
ديدني ديدنك ديدنك ديدني=والا غيرك ما ديدن على ديدنه
وأكثر الناس تلعبها ظنونها=( وش تسمونها وش تسمونها)
.=.
أجمع الحب يا اللي جنيت الجني=وأجعله بالرحا والرحا تطحنه
لا متى والخزانه بكالونها=( وش تسمونها وش تسمونها)
عايض بن مذكر
ليسني ليسنك ليسنك ليسني=يوم بعض العرب ورطه ليسنه
له جمال تشيله على متونها=( وش تسمونها وش تسمونها )
.=.
كل شي على الكون مات وفني=لا تهاون بها ما هيب هوينه
تحرم المستحقبن من شونها=( وش تسمونها وش تسمونها )
عبدالله المشعلي
من لقا له طعام وشرابٍ هني=غره الوقت والوقت من يضمنه
والعبر والروايات تقرونها=( وش تسمونها وش تسمونها )
.=.
كل ما ناشها راعي المبطني=دبر وحط يده على مبطنه
سمنت ظهورها وكبرت بطونها=( وش تسمونها وش تسمونها )
عايض بن مذكر
لو معي خـُمسها ما ملا مخزني=وأربعه كل منهم ملا مخزنه
بس به واحد شال ماعونها=( وش تسمونها وش تسمونها)
.=.
راعي المبطن اللي بريٍ دني=جاته بلا حرم زينه مزينه
أبيضٍ ثوبها وازرق لونها=( وش تسمونها وش تسمونها)
عبدالله المشعلي
بندقي في يميني ولا همني=خل راسك مع الروس في مقرنه
والرمي لا وراها ولا دونها=( وش تسمونها وش تسمونها)
.=.
وأنت لو يعتدل ظهرك المنحني=كان تسلم من الكح والحنحنه
ذابحك حب ليلى يا مجنونها=( وش تسمونها وش تسمونها)
عايض بن مذكر
ليتها يوم ثارت يا عبدالغني=وقعت في لحم وبر والا عدنه
غير في خيرة القوم دندونها=( وش تسمونها وش تسمونها)
.=.
حطني وين ما ودك تحطني=وان سمعنا لبعض العلوم ارطنه
جاتك من العلاوي على هونها=( وش تسمونها وش تسمونها)
عبدالله المشعلي
تزعل السوري وترضي الاردني=والعرب تاخذ الحق بالقردنه
بعض الا صحاب تامنك وتخونها=( وش تسمونها وش تسمونها)
.=.
أدخل المسجد اليا أذن المذني=واطلب الله ولا تقرب الميذنه
ما نزكي صلاة تصلونها=( وش تسمونها وش تسمونها)
عايض بن مذكر
غيرك اشناب وأكبر شنب ومهني=يعرف الدرب من دون قولت عنه
ندهن اشنابها ونكحل عيونها=( وش تسمونها وش تسمونها)
.=.
وأنت غايب وباللوم لحفتني =ويش عرّفك بالمجرم ومسكنه
دوروها ولا عاد تلقونها=( وش تسمونها وش تسمونها)
عبدالله المشعلي
ودي أعطيكم الجانب الليني=غير تبغونها هيمنه هيمنه
كل يومٍ علينا تحسبونها=( وش تسمونها وش تسمونها)
.=.
البلا عندكم ظاهرٍ باطني=والعجايب سبع وأنتو الثامنه
تاكلون أم قرنين بقرونها=( وش تسمونها وش تسمونها)
عايض بن مذكر
والله أني برياً لو اتهمتني=خسرت الميسره ربحت الميمنه
خطت ( أبو عصى ) لا تعدونها=( وش تسمونها وش تسمونها)
.=.
كل ما قلت بأهدك وهدني =والعلوم أحفر لسرها وأدفنه
قمت تبحث خفاها ومكنونها=( وش تسمونها وش تسمونها)
ختمها
صالح مبارك المشعلي
ان دعاك الزمن للزوم الدعني =والعشا نضمنه لابسطت صحنه
جاك علف الذبيحه وكمونها=(وش تسمونها وش تسمونها)
.=.
وان عطاك الله مما عطاك اعطني=ادهن السيرحتى يسيرادهنه
الغنيمه علي لا تحشونها=( وش تسمونها وش تسمونها)