علي كثروا أعوان الدهر

[محسن المسردي]

علي كثروا أعوان الدهر
-
[poem=font="Simplified Arabic,5,,normal,normal" bkcolor="transparent" bkimage="http://www.jash.net/vb/images/toolbox/backgrounds/1.gif" border="double,4," type=0 line=0 align=center use=ex num="0,black"]
علي كثروا أعوان الدهر والدهر ضدي=وذا حال من صارت ظروف الدهر ضده
تحداني الدنيا على غير ما ودي=وحبل الرجا رث ٍ ليا جيت با أشده
بعض الأصدقاء لا جيت با قابله صدي=ومن كنت محتاج ٍ لوده بدا صده
ولا عاد لي غير أترك الدار وأشدي=ومن عدني ولا فوالله ما أعده
وصدر الفضاء واسع مع الأفق ممتدي=ومن سار في درب ٍ وصل لو بعد مده
ليا باروا الخلان والحظ متردي=فلا للفتى الا يترك الدار من جده
وخل ٍ بدل خل ٍ وحد ٍ بدل حدي=وربي هو اللي يقصر العمر ويمده
تمسكت في حبل الصله وتعَبَتْ يدي=بلا فايده واليوم ذا الحبل با أهده
وبا قوس ثوبي دمت حي ٍ على قدي=وكل ٍ يفصل له ثياب ٍ على قده
فمن لا يسر بواجبه مات ما سدي=ولا خير فيمن واجبه مات ما سده
بأشد الرحال وبأترك الدار من جدي=ومن له علي فضل ٍ ومعروف يرتده
ورزقي على اللي لا عطا يجزل المدي=ومن يستعين بخالقه نال ما وده
لو أبقى وحيد ٍ ما حد ٍ ماخذ ٍ عدي=ولاني بمن هو ياخذون العدى عده
فلا خير فيمن يقبل الضيم والضدي=ويخسى الذي تقصر عن المرجله يده
أنا أختار خالي والدي وأنتخى بجدي=وولد الردي لا أختار خاله ولا جده
لمني نويت بدرب ماني بمردي=ولي قلب ما الخوف من الأخطار بيرده
ولا لحقت الضلفه من الكور للبدي=صبور ٍ ليا شفت الدهر مايل ٍ شده
وما دام حالي فوق دنياي مستدي=وربي معافيني ولي حيل با أكده
ولاني بمتخضع ولاني بمتفدي=لمخلوق واللي له علي دين يعتده[/poem]
-
-
حمد بن هادي المسردي
-
-

[الناااايفه]

مااااااشاء الله على ذي الابياااااات واااااافيه من شاعر وافي

رحمة الله عليك يالمسردي

[الشااااايب]

الله يرحمه شااعر كفووو وقصايده كفووو ومشكور خوي على هذا النقل الرائع

تقبل مروري اخوك الشاااايب

[زمان يافن]

شـــكـــرا لــــــك

[شــــامــــخ]

الله يرحم الشاعر والله انها من احب القصائد اللتي سمعتها

شـــــــــــكراااا محسن

[هذال آل الشوافه]

هذال آل الشوافه

السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية .
ودائما مايجيب السمينه إلا المطاليق شروى (أبونايف) والقراء الكرام =
ونتطلع أخوي محسن إلى النوادر منك -فتقبل أحترامي وتقديري وإعجابي********

[محمد بن خالد آل حيدان]

الله يرحمه الصراحه شاعر مميز مافيه احد زيه ولا اتوقع احد بيجي زي حمد هادي مشكور اخوي محسن على النقل

[فايز الحبابي]

عزيز نفس الله يغفر له

[طلال العبدي الشمري]

الله يرحمه