لاجيت باسج وانسى وقتي الماضي=ما عوّضت حاضر الأيام ماضيها
استرجع الذكريات طوال وعراضي=ويشْ يزعل النفس والا ويش يرضيها
واروح لاهناك .. واعوّد على الفاضي=بآمال مليانها يشبه لفاضيها
يا صاحبي .. ما بقا من واجب وحاضي=الا بقايا العلوم اللي نحاضيها
واليوم كبدي من الفرقا بها لاضي=ذابت وذاب الحشا من حر لاضيها
اعيش ( صيفي ومرباعي ومقياضي )=لجل قضى حاجةٍ يا كيف باقضيها
والصبر قاضي وانا حالي بعد قاضي=واقول حل القضيه عند قاضيها
عبدالله المشعلي