هلا مرحبا (ن) واعداد ماذعذع النودي = هلا بالقصيد اللي جزال (ن) تعابيره
قصيد الجنوبي كاسب المدح والفودي = عزيز النبا اللي سيرة الطيب له سيره
كريم السبال 00وريف من جاه مضهودي = وسقم العدو لما اقبلت خيله امغيره
ليا جا نهار فيه طارد ومطرودي = يخلي العدو معاد تجبر مكاسيره
راعي مجلس(ن) طيبه من العود كمبودي =تعود على اللي غلو السوق تسعيره
وله مدهلا في الطيب ماهو بمحدودي =ولا فيه يوم(ن) اشتكى الجار تقصيره
وعلينا عزيز الجاه بيح له سدودي = وبين لنا وضعه 00وهمه00وتفكيره
يقول انه للعبرات والضيقه اجحودي =وصدره من جموع العباير عوى زيره
ويقول ان دمعه فوق خدينه يذودي =ومن حب ربعه تدمع العين وسهيره
وشفه ليمة جاش وجبالها يعودي = ويدعي لها باللي تهمل شخاتيره
فعسى لايمه يرمى بتسعين عبرودي = ومن يمة الرماي تخطي مداويره
فانا ودي(ن) ان السيل في ديارنا يجودي =ويرزم سحابه لين تظهر مخاضيره
مداهيل ربع تكسب الطيب وتزودي =واهل وقفة(ن) تو العدو وطوابيره
وعلى شف بادي القاف رديت مردودي = وانا في لزومه جاهز(ن) حسب تدبيره
على مايبيني فيه00 مغادر احدودي =معه مخلص (ن)في الراي للخير والخيره
زهمني ومعه اليوم جاهي ومجهودي =وهو عالي عندي مقامه وتقديره [
عايض بن حيبان