يلــومني في الـبر راعـي الحضـــاره =مايدري ان البر شـــــــــربي وزادي
منــاي لا من جـــيت خــاطي زبــاره =بعــيد من الازعاج والجـــو هـــادي
وحمــست مــن بن اليمــاني خيــــاره =واخذت فنجــــال من ام القــــــنادي
وادوج وسط العشب واقطف ازهـاره =واجر صوتي فوق روس المــبادي
في خــايعن ينعش بشـوفـة خضـــاره= فيها الخزامى ريحها ريح كـــــادي
يرعـــى بها ملـــحا رفيــــعة فـقـــاره =ريحة عبسها مثل ريح الزبـــــادي
سنامهــا المفـهـــوق مـــيزه وشـــاره =طويلة النسنوس سوادء ســــــنادي
يسـوقـهـــــــا يــم المـدوه سـطـــــاره =وتعجبك في درهمها للمــــــــنادي
في مــركز النــخبة تفـــوز بجــــداره =تخفق لها قلوب وتصفق الاــــيادي
الوافـيـــة منــزالـهـــا في الصــــداره =ما مثلها مع الحضر والبـــــــوادي
مـن دونهــا البـــارود يقـــدح شـراره =دايم وراعيها بروحه يــــــــــفادي
ما يحـتميهـــا كــود راعــي النعـــاره= مثل سعد لا حان قدح الزنـــــــادي
كـــريم سبـلا والمـــراجــل شعــــاره= طيب ولا اعند منه لا جا العنــــادي
من صـلب ابوي وضاري بالشطـاره =ماسك وصاة العود راعي الشـــدادي
حــبيـت ابـيـن من ضمـيري عبـــاره =واهيم بالاشعـــــار في كـــــل وادي
اطـيب مـن المجـلاس وسط العمــاره =ومقابل اللي ما وراهم ســــــــدادي
العالم اللي ينبشــ،ون الجحــــــــــاره =اهل القلوب اللي غشاها الســـــوادي
احسن لي ابعد عن وجيه الخســــاره= واصير عن بعض الوجيه انحيــــادي
واسج مع ربعن ســــــواة النمــــاره= الكل منهم مثل طير الهـــــــــــــدادي
سوالفن معهم تســــــاوي التجــــاره= وتجلي همومن تصطفق بالفـــــؤادي
هذا منا قلبي وهــــــــذا اختيــــــاره =وهذا هوى بالي وغـــــــاية مـــــرادي
واخير من طول الكلام اختصــــاره= ان اشهد ان البر ثــــــــالث عــــــــيادي
الشاعر/ جمل بن محمد بن محبوب المسردي
ــــــــــــــــــــــــــــــــ
الصميدع.................
لا هنت وصح لسان
الشاعر ..................
تحياتي لك.............