قصيـدة . . للكبآر فقط !
على اثارهم تبني سوافي هبوب النود =وعيادين نخل من العطش جف ساقيها
وانا داخل الأطلال كأن الصدر ملهود =على شامخ بيوتً تهاوت مبانيها
بيوت الرجال أهل التقى والكرم والجود=فحول الرجال اللي عريبه مجانيها
وبيوت العذاري أمهات العيون السود=من العقل والحشمة صعيبة تحاكيها
سادوا وبادوا وانتهى امرهم في لحود =عسى اجسادهم ربي من النار ينجيها
تواروا عن الانظار والباقيات شهود =يخيم عليها الحزن من موت راعيها
بقى رسم ذكراهم على بابهم موجود =و كِتابات شعر مبكية في معانيها
قليبً غزيلة جم طيه من الجلمود=معاويدها تطرب على صوت سانيها
وذي جصةً يملإ بها تمرها المنضود=ومشب الأوجار وباقي اغراضها فيها
بكينا على عيدً مضى مستحيل يعود=وعلى أهل القلوب الطاهرة وين الاقيها
وقفنا وقفينا ولا من وقوفي زود =و ودعت المكان ويرحم الله بانيها
سعد ابن عيران القريني
وانا داخل الأطلال كأن الصدر ملهود =على شامخ بيوتً تهاوت مبانيها
بيوت الرجال أهل التقى والكرم والجود=فحول الرجال اللي عريبه مجانيها
وبيوت العذاري أمهات العيون السود=من العقل والحشمة صعيبة تحاكيها
سادوا وبادوا وانتهى امرهم في لحود =عسى اجسادهم ربي من النار ينجيها
تواروا عن الانظار والباقيات شهود =يخيم عليها الحزن من موت راعيها
بقى رسم ذكراهم على بابهم موجود =و كِتابات شعر مبكية في معانيها
قليبً غزيلة جم طيه من الجلمود=معاويدها تطرب على صوت سانيها
وذي جصةً يملإ بها تمرها المنضود=ومشب الأوجار وباقي اغراضها فيها
بكينا على عيدً مضى مستحيل يعود=وعلى أهل القلوب الطاهرة وين الاقيها
وقفنا وقفينا ولا من وقوفي زود =و ودعت المكان ويرحم الله بانيها
سعد ابن عيران القريني
تعليق