بسم الذي با مره سنا الصبح ينبــــاج .. رب له اسجد خاشعآ ولتجيــــــبه ،،
بسمه بديت وصغت من ها جس داج .. وطوعت بنت افكار فكري تجيبه ،،
بسمان هرج جزلها دونها ســــيـــاج .. عن هزلها ولها مقام وهيــــــــبه،،
حرفآ على طيبه نقشته على عــــاج .. وريح الخزامى والنفل فاح طيبه،،
بزكى سلامآ وماردة عد هــــــــداج .. كفوآ قبل ما بديه بفعله دريــــبه ،،
وفيه من ابوه الطيب طبعآ ومنهــاج .. الله يعطر قبره اللي وزيـــــــبه ،،
عقب لنا عقبه محمد ملا الفــــــــاج .. يخدم علم دوله وقائد كتــــيبه،،
له مجلس عامر وضيفانه افــــــواج .. والطيب ساسه و المراجل نصيبه ،،
وقفت له بالقدر ماني محـــــــــــتاج .. ولا هومن يشري الثناء بمال جـــيبه ،،
رجلا سبق ذكره نبأ طيبــــــه وراج .. ودون الرفيق اسياج لبان عيـــبه ،،
مثلك ياابو نواف يفداه هلبـــــــــــاج .. قصير باع والردى وسط جــيبه ،،
رجلا مثل شرواك مدحه لنا تـــــاج .. ومثلك يا بو نواف ماهي غريبـــه ،،
لقلت هذا طويق والهضب وســواج .. اللي تزين بالحزوم الجــــــديبــه ،،
مر الحدج ماهم قرصآ على صــاج .. وجمرآ على كبد العدو ينكوي به ،،
و نور الجدي وسهيل للشوف وهـاج .. نوره ودورات الكواكب عجـيبه،،
والحق له ناطق ومنطق ومنهــــــاج .. وأنا لسان الحق وانا خصــــــيمه ،،
صدورنا عند الرخا ضحكة احجـاج .. وعند الغضب ذيبآ يروع قنـــــيبه ،،