قحطان ياروس العرب والزعامه, .: :. ,يالطيبـــين معقــلــــين المجــــــانين

[سليمان القحطاني]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الشعرناداني بكل اهتمامه=وامرعلي امدح قبيلةعريبين
قحطان ياروس العرب والزعامه=يالطيبين معقلين المجانين
ياهل الوفا والصدق واهل الشهامه=متوارثين الجود حين بعد حين
يالواثقين موضحين العلامه=يالصاملين مزبنين الجلوين
بافعالنا ماقد لحقنا ملامه=حنا هل الناموس الاول وهالحين
حنامثل موج البحر والتطامه=وحنا هل التقوى وحنا هل الدين
حنا نكثر للخوي احترامه=وبرواحنانفديه بالعسر واللين
والضيف يلقى بالجبين ابتسامه=يفعل له الواجب ومسكنه بالعين
وعدونا يبشر بكبر الندامه=يبشر الى جانا من الكف ثنتين
الاوله.. يرجع سواة النعامه=والثانيه ..ماعاديطري له الشين
ولا نداني الغدر ولا الرخامه=ولا نشوف انفوسنا (ع) المساكين
الي يسالمنا يحصل سلامه=نمشي على وضح النقا بالقوانين
منا حجاب المشرق اهل الكرامه=عز الله انكم درعنا يا سناحين
ومنا عبيده سعدمن هم حزامه=سيف يقص العضم ويالشرايين
ومنا شريف بصفحة العز شامه=منهم فهد شيخ على الراس والعين
اميرنا الي مايغير كلامه=حلحيل ماترجح عليه الموازين
ومنا بني بشرالسراه وتهامه=حماية التالي كعام المعادين
ومنا رفيده كاسبين الفهامه=مقدامهم بالحرب مثل الشياهين
قحطان.. تبقى لين يوم القيامه=ساس العرب واصل العرب واسمعوا زين؟؟
انتوا عصابة راسي انتو عظامه= افخر بكم بين العرب ياقحاطين[/poem]

[ناصر بن هذال]

وقحطان ايضا تفخر بك اخي سليمان.

بيض الله وجهك على هالقصيده وارحب بين ربعك واخوانك.

[أبو فـلاح]

صح لسانك اخوي سليمان قصيدة جزلة

ونحن نفخر بوجود شاعر مثلك في هذا المنتدى

[خيال القروى]

حضور طيب

وقصيدة طيبة

وشاعر رائع

صح الله منطوقك

ولاهنت ..


...تحيــــاااتي القلبيـــه...
...مع خــااالص احترامي وتقديــري...
....اخوكـــ....
©.¸¸.© خيال القروى ©.¸¸.©

[سليمان القحطاني]

وقحطان ايضا تفخر بك اخي سليمان.
بيض الله وجهك على هالقصيده وارحب بين ربعك واخوانك.

ارررحب يابو هذال والشرف لي بتواجدي بينكم
تحياااتي يالقررررررررررررررررررررم