ماذا يحدث اذا انقطع المكياج من الاسواق

[كونان]

فعلا ماذا سيحدث فكرت وفكرت وقدرت ألخصها على شكل نقاط


1-يزداد الطلاق

2- يرتفع معدل العنوسه

3-ازدهار تجارة البراقع

4-ترخص المهور

5-زيادة نسبة السخريه عند الشباب << <حلوة مدري كيف طلعت ههههه

6-ترتفع اسعار صبغات الاحذيه <<< ما ادري وش دخلها

7-تقل ضغوطات العمل عند الهيئة <<<ما في احد يبي يغازل

[رذاذ الشوق]

هههههههههههههههههههههههههههههههه
وماذا سيحدث عندما يختفي الحلاقين والصالونات من وجه الارض...

1) ترتفع اسعار الشماغ <<< عشان يتلثمون ويغطون الفضايح

2) يختفي شيء اسمه سكسوكه <<خخخخخخخخخخخخخخ

3) يخلو السوق من الشباب <<< لانه مافيه سمكره وبخار وصنفره عند الحلاق قبل المغازلجي يطس للسوق..

4) تنزل ميزانية تركيا <<<<<< لانهم كسبانين من السعوديين ...

5) تصبح موضة الشعر عند الشباب الحلق على الصفر<<< لانه مافيه شيء اسمه سشوار او فرد لانه لو ربو الشعر طلعت روسهم كانها شجرة طلح من خشنها واذا جاء بيكد شعره نشب المشط في راسه ويظطر الى الاستعانه بادكتور الربيعه عشان يفصل المشط عن شعره خخخخخخخ

عندي سؤال ؟؟ حنا يالبنات مانحط مكياج الا بالمناسبات ومو كلهم بعد والمناسبه ماتجي الا مثل المره بالشهر ... بس انتم كم مره تروحون للحلاق او كم مره تحلق الدقن؟؟
انا بقولكم .... يمكن مره في الاسبوع ... واذا صارت سكسوكه مرتين بالاسبوع ولا انا غلطانه !!
لو بنحسب قراشيعكم اللي تسونها عند الحلاق من ( حلق _ تحديد سكسوكه _ سشوار _ فرد _ صنفره _ بخار _ مكياج رجالي _ قص شعر*عاد قصات الشعر عندكم انواع *) والله مساكين الراتب كله يروح عند الحلاق ....

كونان وحده بوحده والبادي اظلم هع

مع تحيات ...

((اللجنه الدائمه للدفاع عن حقوق الفتيات))

[كونان]

المشكلة انها مشرفة معي


من يقدر يرد

[رذاذ الشوق]

تعيش السحالي تعيش تعيش تعيش

<<<< التماسيح

لاعمركم تستهينون بالسحالي

[كونان]

افا محد يرد


طيب


للعلم فئة قليلة مقارنه فيكم


الواحد يحلق ويضبط بـ15 الى 20 ريال ونقول 25 مرة كل اسبوعين يعني الشهر بـ50 وبدون مانشتري ادوات التجيمل




لكن السحالي اذا بتزور اختها لازم كوفيرة بـ150 ريال مرة كل اسبوع هذا غير الملابس والفساتين اما النعال فحدث ولاحرج تحط عندها عمارة كبر الفيصلية عشان النعال

وليك الحسبة

[رذاذ الشوق]

تروح للكوافيره عشان بتزور اختها <<<<< هذي مبالغ فيها ياكونان.. اختي وحافظه شكلي وشوله اتزين ...
حنا مانروح للكوافيره الا بالزواجات وبعد مو كلهم اغلب الاحيان نعتمد على خبرتنا احم احم... والزواجات ماتجي الا مره بالسنه......
لكن انتم اللهم ياكافي ... يكفي انكم بالعيد تسووون طابور عند الحلاقين ... ربي شوفة عيوني في العيد الفطر اللي راح شباب فارشين فرشتهم ويتقهون قريب من صالون ينتظرون دورهم
بعدين انتم على بالكم نحط المكياج يوميا ... على كذا الله يرحم حال بشرتنا بتصير انواع الحفريات .......

تعيش السحالي تعيش تعيش تعيش

[ابو مي]

أولاً جمال الرجال بلحاء مو بلحلاقين والدليل قول عائشة رضي الله عنها حينما ارادت أن تقسم فقالت(( والذي زيين الرجال بلحاء ونساء بلحياء ...)

ثانياً أن نسبه الرجال الي يحاولون تغير أشكالهم شبه معدومه في السعودية مع أنها منتشره بكثر عند السحالي

رذوووووذه أنا أخسر على ترتيب شكلي في السبوع خمسه ريال او عشرة (( تخفيف دقن وراس ))

بس أنتي كم تخسرين في السبوع ابي الجواب بأمانه

وذا ماكنتي تدفعين أسبوعياً فخذي القيمه الي دفعتيها في الشهر وقسميها على عدد الاسابيع

[محمد]

ما لك الا السهم تعجبني والله
وترى ما ني بعيد منك يالسهم عشره ريال في الاسبوع دقن واذا انشغلت بعد عشره ايام وما احلق الا يوم الاربعاء ... اما قص الشعر في الاسبوعين او الثلاثه مره <<<< ما يحتاج قصات ولا الدكتور الربيعه

اما انتم يالسحالي كل فلوسكم تروح في تصليحات وسمكرة وصبغ خششكم اللي كنها براد ابو اربعه :29:

[رذاذ الشوق]

مالت على السحالي ولا وحده ردت

أولاً جمال الرجال بلحاء مو بلحلاقين والدليل قول عائشة رضي الله عنها حينما ارادت أن تقسم فقالت(( والذي زيين الرجال بلحاء ونساء بلحياء ...)

صدقت والله بهالحديث... بس وينهم الحين يزينون اشكالهم بالسكسوكه والحركه ( الدويره اللي بالدقن )...

ثانياً أن نسبه الرجال الي يحاولون تغير أشكالهم شبه معدومه في السعودية مع أنها منتشره بكثر عند السحالي

السحالي محلل لهن الجمال وطبيعة المرأه تحب الكشخه والجمال ... واذا فيه حرمه ماتحب الشيء هذا فالاسف تصير ( معدومة الاهتمام)... لكن المصيبه الكبرى الرجال اللي طايحين الحين بقصات مادري وشيء... واكثر شيء بجده والشرقيه .. لدرجة انهم يلبسون اكسسوارات على الرقبه واليد <<< وهذي تعتبر اهتمام غريب من نوعه

رذوووووذه أنا أخسر على ترتيب شكلي في السبوع خمسه ريال او عشرة (( تخفيف دقن وراس ))

اجل انت قعيطي ههههههههههه خمسه ريال يالبخيل ؟
ولوف سيك مو بعيد عنك....

بس أنتي كم تخسرين في السبوع ابي الجواب بأمانه

اخر مره دخلت فيها المشغل عشان شكلي .. العام في بداية الاجازه .. فقط قصيت شعري بـ 70 ريال والاسشوار بـ 120 ريال
وبعدها مادخلته الا السنه هذي عشان تفصيل فستان ... لاني الحمد لله احب اعتمد على نفسي بالحييييييييييييل ولا اثق بمكياج المشاغل لا ني سصمالله علي احم احم خبيره ومبدعه بالاشياء هذي......
يعني انا ماصرفت الا 190 ريال في سنه وحده بس .... بس انت اللي تصرفه في شهر يطلع كم امممممممممم 20 ريال<<< والله بلاش
طيب نضربها في سنه تطلع اممممممم 200 ريال... وانا بس رحت مره وضربوني في 190 ريال تبي الصراحه والله يانتوم رخييييييص عندكم .....
انتم عندكم بخار وجه مع صنفره بـ 20 ريال على ماعتقد .. وحنا مع صنفره بـ 150 ريال .... انتم عندكم حمام السونا للجسم بـ 100 ريال ... وحنا بـ 500 ريال ....( والله يالحريم مخفه ) ..........

يحيا العدل يحيا العدل

وينكم يالبنات ... مالت عليكم ولا وحده ردت افاااااااااا وهذا انا رازه روحي على بالي لجنه دائمه ... وصرت لجنه فاشله .....ماعليه ياسحليتوووووه......

تعالو ياللي تقولون ماتصرفون الا القليل .......
انا معكم ان الصالونات ارخص من المشاغل النسائيه بوااااااجد ..... بس بسالكم كم تصرفون على سيارتكم ؟؟؟؟؟؟؟؟

الجنوط \ بالهي علكم فيه جنوط بـ 20,000 ريال وسمعت بعد ان فيه بـ 50,000 ريال ..... <<< خلصت الاصفار من كيبوردي .....
واحسبو المصاريف اللي تصرفونها على الزعانف واللحيه والتضليه والزينه الداخليه من تخشيبه ومن تغير قماش المراتب ... ومن غير الخربطه اللي تحطونها من خطوووط سبورتيه خارجيه على السياره .. ومن غير المخالفات اللي ياخذونها عليكم.... من قطع اشاره من تضليله مخالفه للقانون ومن السرعه ومن مادري وشوا ... خرابيط واااجد... وكل هذا يجي طاير مدرعم مايدري وش السالفه وثم تحده سياره وطرااااخ على الماصوره والسياره طوااالي على التشليح ....( قولولي وش استفتدو الحين )؟؟؟؟؟؟

هاااه من يصرف اكثر .... حنا ولا انتم ؟؟؟؟؟؟؟؟؟

تعيش السحليه رذووووذه تعيش تعيش تعيش

باقي السحليات مالهن شيء ....

[ابو مي]

حنا نتكلم في الشكل الله يخلف على أهلك

ثم إذا تكلمتي في السيارات فهذه خاصة للعائلة كلها يعني سيارتي هي سيارات ال سهم يستفيد منها الرجل والمرأه

وتعالي أنا قعيطي ؟؟؟؟ إذا كنت زي ماتقولين فماهو الحل عندك أن أستشور شعري وصنفر وجهي علشان ماكون قعيطي ؟؟؟ ماتوقع أن هذا هو الحل الصائب

ثم إذا كنت أنا أصرف 200 ريال خلال سنه وهي مجمع روحاتي للحلاق فهذا فيه شي من العدل

ولكن تصرفين أنتي في روحه وحده 190 ريال أجل هذا على حسابك ولا رحتي إلى مرة وحده أجل وش نقووول لسحالي إلي جاعلين المشاغل زحمه

رذووووووذة لا تحاولين تبررين موقف السحالي وهي قد ظهرت منك كلمة حق تحاولين إخفاها ولاكن هيهات

((( والله يحنا يسحالي مخفاااات )) هذا ماقلتية صح .... وليس هناك بينه مثل العتراف

ولن اقول (( يعيش الســهم يعيش يعيش ))) بكون أني لم أقل إلى الحق وقول الحق واجب ولا شكر على واجب

[ابو مي]

عقدك رذوووووذه صح
ههههههههههههههههههه

[رذاذ الشوق]

هههههههههههههههههههههههههههههههههههه
( بعض السحالي مخفه مو كلهم )
لكن....
( لن استسلم ابد .. ابد)
انا الحين بسافر بس اول مارجع تلقى ردي هنا..
تعيش رذوووذه تعيش تعيش تعيش.....

[ابو طلال]

ياجماعه كل واحد يصلح سيارة هههههههههههههه

[رذاذ الشوق]

خلاص استسلمت

[ابو مي]

ماتوقعتها منك دأيماً تنبضين بلحياة

وكنتي وما زلتي شمعة هذا المنتدى