قصيده بمناسبة عودة خادم الحرمين سالم وغانم

[ابن عويد]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بسم الله الرحمن الرحيم
ياسلامي عد همال المزون العقربيه = لاسبق براقها رعادهاوانهل ماها
اسعفيني ياهجوسي باالحروف الابجديه= لين اترجم كل مافي خاطري في محتواها
القصيد يطيب لي في مدح زيزوم السريه =الزعيم اللي يوقف دون داره ويحماها
عودته سالم وغانم للبلاد اكبر هديه =والله ان يبقى المواطن طول عمره مانساها
المطر لامانزل يحيي الحزوم الجرهديه=وابومتعب ثل ومزن(ن)هل باالارض وسقاها
نعمة عمت بلاد الخير من جزل العطيه=واحد(ن)لامدها ماهوبينظر وش وراها
عاش عبدالله حبيب الشعب ابوكف نديه=كفه اللي مع مرور الوقت ماينضب عطاها
المواطن تحت حكمه عايش(ن)عيشه هنيه=مايفكر في ضغوطات الحياه ولاغثاها
حاكم(ن)يحكم بشرع الله وبسنة نبيه=ماسك نهج الامام اللي على الطاعه بناها
دام حي(ن)للسعوديين وعزومه قويه=مملكتنا من فضل ربي رفيع(ن) مستواها
والعدوا اللي يحرض والاجنده خارجيه=خاين وان باعها برخيص ولاماشراها
مادرى ان حب الملك والدار بقلوب الرعيه=والله ان يموت في منفاه ماغير ولاها
دون حد بلادنا ناردعلى حوض النيه=نبذل الاموال والارواح والابناء فداها
صفنا واحد من عصور الجدود الاوليه=خلف قادتنا ندوس الروس لادارت رحاها
والختام الله يبارك باالرجال اهل الحميه=الملوك اللي بفعل الطيب مايلحق مداها[/poem]

[الذيب2010]

صح الله لسانك يابن عويد ومن طول الغيبات جاب الغنايم والقصيده هاذي من الغنايم اللي حصل عليها هذا المنتدى وابو متعب يستاهل كل خير وادامه الله بصحه وعافيه تقبل تحياتي اخوك الذيب

[المسامح]

صح لسانك يابن عويد

[البدوى]

صح لسانك
ابن عويد

[مسعود فهد المسردي]

صح لسانك يابن عويد وقصيدة جزله من شاعر مايقول الا الجزل

بارك الله فيك وننتظر جديدك والى الأمام

[سفير النوايا الحسنه]

قصيده جزله من شاعر جزل اطال الغيبه

صح لسانك وننتظر جديدك

[ابن عويد]

اخواني الاعزاء
الذيب
المسامح
البدوي
ابوفهد
سفير النوايا الحسنه
مروركــــــــــــــــــــــــــم شــــــــــــــــــــــــــــــرف
وتقبلواتحيــــــــــــــــــــــــــــــــــــــــ ــــاتـــــــــــــي0000

[أبـو نـــــواف]

قصيده جزله من شاعر جزل
صح لسانك
ياابن عويد

[الشلهوب]

صح السانكـ يعطيكـ الف عافيهـ