قصيدة الشاعر سلطان بن وسام

[أبـو نـــــواف]

قصيدة الشاعر سلطان بن وسام والتي كانت موجهه لضيدان عندما سافر لدولة الأمارات :

بالله يأهل دبي ولا هل العين
من قال تبشر به عطيته بشاره

قرناس عشر سنين وأربع وعشرين
الله وش فيه من الوفا والقشاره

وأن قام يدرج عينه يسار ويمين
مثل الخفير الي مداقش خفاره

يا شيب عيني لا كفخ بالجناحين
أسبق من طيار الآباتشي طياره

ما هاجر الا بين خظر البساتين
في ضيافة الي ما يحسب الخساره

يخلي مراحين ويملى مراحين
بيمنى من صدوف الليالي مجاره

يمنى الكريم مبدل العسر باللين
نعم نعم فزاع نمر النماره

أشهر أبراج العام الأول وذالحين
برجين برج أيفل وبرج التجاره

وضيدان يكرم في ضيافة كريمين
كنه من آل مكتوم والدار داره

فندق جميرا بيتش ومالية حمر عين
من مر منهم قام يمسح جداره

واليوم يا ضيدان وينك وأنا وين
خليتني مابين تاره وتاره

أشيل ما شالت ظهور البعارين
وأصد غاره وآتصدى لغاره

[سلطان]

يا شيب عيني لا كفخ بالجناحين
أسبق من طيار الآباتشي طياره

صح السان الشاعر الكبير سلطان الهاجري
قصيدة من أجمل القصايد
وموجه لشاعر يستاهل الشاعر الكبير ضيدان بن قضعان
ابونواف لاهنت وبيض الله وجهك،،،

[أبـو نـــــواف]

أخـــوي سلطـــان

شكـرا لمــرورك وســأعرض رد الشـــاعر ضــيدان إن شـــاء اللـــه .

تحيـــــاتي.

[البدوى]

شكرلك ابونوف
وتقبل تحياتي

[عطـــر جـــاش]

مشكور ابو نواف قصيدة رائعه وننتظر رد ضيدان ...

[أبـو نـــــواف]

أخـــوي عــطـــر جــــاش
شكـرا لمــرورك
ورد الشـــاعر ضــيدان تجـده في موضــوع مستقل ليسـهل الوصــول إليــه.

تحيـــــاتي.