ســـوق الأصحــآب ...!!
الطيب شمعه والذكر عود كبريت .. .. والعز نــوره معتلي كل مرقاب .. والعهد ضيفٍ والوفا راعي البيت .. .. وللعدل ميزانٍ وللنار شباب .. وأنا بذلت الجهد وأتعبت وأفنيت .. .. روحٍ جسدها ساسها طين وتراب .. أوفيت في كسب الجمايل وكفيت .. .. مآهو لآجل سمعة منافق وكذاب .. طيبي طبيعه ماعلى الطبع عديت .. .. مثل النهر يسقي ولآ يطلب حسآب .. أزريت أعدل في خطآك وتماديت .. .. لآبارت الصحبه هبط سوق الأصحاب .. كم مرةٍ بأقصى مدى الصوت ناديت .. .. أواه من دمعٍ فضح سـود الأهداب .. خاطرت بالدنيـــا وتهت وتعنيت .. .. وأصبحت من كثر المتاهات مرتاب .. ومن الوفا والطيب والجود مليت .. .. وأنا الذي للمرجله دوم كساب .. ضحيت في بذل المعاريف وأوفيت .. .. ومن دونهم ما يوم صكيت الأبواب .. دام الوفا بعيونهم بخص ومقيت .. ..و أنا الوفا بعيوني سنين ما غاب .. ومهما ضحكت من الغبن ما تناسيت .. .. اللحظه اللي جرحها ما بعد طاب .. ياليتني فيما مضى ما تهقويت .. .. في ناسٍ تثير الفتن بين الأحزاب .. وياليتني في دار الأحلام ماجيت .. .. كان أسترحت وعارضي مابعد شاب .. وياليتني في خلوتي ما تمنيت .. .. قربه ولاشوفه ولا طيب الأنساب .. وإن كان تجهل موقفي فيني أخطيت .. .. وأصل الخطأ من موقفك ماله أسباب .. وأنا ترى من زلتك فيـك عزيت .. .. نفسي وذاكرتي من هموم وإعجاب .. بكره مع مرور الزمن قول [ يا ليت ] .. .. ما تنفعك عقب المعزه والأحباب .. |
صح السانك يالشامخ |
صح السانك يالشامخ مبدع
والقصيده وافيه ,,, |
صح السانك مشكور هلا وغلا
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . |
صح السانكـ
قصيدهـ في قمة الروووووعهـ تحياااااااااااااتي,,,, |
صح لسانك قصيده رائعه
مع ان مفردة الوفاء تكررت في 3 ابيات . كما ان طين وتراب تحمل نفس المعنى وقد تعتبر نقطة ضعف في البيت ادناه واعتقد ان من كتب هذه القصيده الرائعه يستطيع تجاوز هذه النقطه ....صح لسانك . -- وأنا بذلت الجهد وأتعبت وأفنيت .. .. روحٍ جسدها ساسها طين وتراب |
الاخ الشامخ عادة لا أتدخل في النقد لوجود منهو أكفى مني في هذا المجال 00000000000000000 ولكن لديك موهبه وثانياً الاسم مستعار ولن يحرجك النقد وأتمنى ان تستفيد منه 000 وانا لن أنقد القصيده كامله واكتفي بالبيتين الاوله 00000000000000000000000000 الطيب شمعه والذكر عود كبريت 00000000اولا الذكر يحمل أكثر من معنى ولوقلت الطيب شمعه والفعل عود كبريت 0000000كان افضل شوي والعز نور يعتلي كل مرقاب 00لوقلت والصيت نوراً يعتلي كل مرقاب 00كان اصح لان العز لايتفق مع شطر البيت الاول 000000000000و البيت الثاني العهد ضيف والوفاء راعي البيت 0000000كيف صارت 000000 لان الوفاء لايسبق العهد 000000والشطر الثاني يفترض ان يحكي او يشرح اويتكلم عن الوفاء والعهد 0000000ولكن حطيت فيه (وللعدل ميزان ) من الميزان المقصود 0اعتقد ان الشطر كله حشو في حشو 0000000000000000 أرجو ان لاتزعل من كلامي 000000و والله العظيم 000000 أن للنقد فائده لاتعرف فضلها الا فيما بعد 00000000وانا لو لم تكن موهوب لما أنتقدك 000000000 |
صح لسآآآآآآآآآآآنك ..!
|
صح لسانك يا الشامخ وابو محمد مدرسه شعريه نتعلم منه جميعا
|
اقتباس:
أبومحمد كيف أزعل من نقدك وأنت هامه شعريه , ويقولون ][ صديقك من صدقك ][ .. بالنسبه للبيت الأول أنا أقصد ياطويل العمر الطيب بدون ذكر مايفيد لذالك ربطت بين الشمعه وعود الكبريت , والشطر الثاني أنا عدلته لكن مامداني على الموضوع بس للمعلوميه عدلته والعز ][ رايه ][ تعتلي كل مرقاب .. والبيت اثاني قصدت إن العهد ضيف لابد من إكرامه والوفاء بضيافته لذالك قلت للعدل ميزانٍ وللنار شباب وللعدل ميزان أنا أتفق معك إنها حشو لتكملة البيت , وأنت يبومحمد خليتني أقرب القلم والورقه لتعديلها وتنقيحها كامله وبإذن الله مالك أنت وشرواك من الأعضاء الطيبين إلا الجزيل والجديد الفريد .. |
الساعة الآن 01 : 04 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها