|
قصيدة حمد بن هادي في الشاعر علي بن بلال اليامي
سلامي على حلال عسرات الانشـااب=عريب الجدود اللـي طروقـه مخـلاه عريب الجدود اعرب عربين الانسـاب=له ازكى سلامـي والتحيـات مهـداه على بن سعيد ابن بـلال ٍ ليـا طـاب=لي المدح ماامدح غير مثله وشـرواه كعام العدا بحر الندا ريـف الاصحـاب=ومطلق حجاج اللي من البعد ينصـاه ذرا الجار عز العانيه سعـد الاقـراب=عقابٍ علامات السعـد فـي محيـاه عقابٍ بلطمة مخلبه يعطـب اعطـاب=شهر واشتهرمن ماكر العـز مجنـاه وله ماكرٍ باعلى حجـا راس مرقـاب=بقمة قرا قاره قهـر عسـر مرقـاه زبون المخيف ولو له الفيـن طـلاب=من الخوف يآمن كل مـن لاذ بحمـاه اسد غاب ينهاب بحضوره ولو غـاب=لو اثناء غيابـه لازم تهابـه اعـداه شجـاع ٍكريـم ٍ للجمـالات كسـاب=بحـق وحقيقـه كامـلاتٍ مـزايـاه راع المجلس اللي مابعد صك له بـاب=على ساق مفتوح ٍ يرحب بمـن جـاه يردونه الخطـار مـن كـل الاقطـاب=على الدوم هشـال الضحـى ماتعـداه وهو ينطح الضيف المسيـر بترحـاب=بشوشٍ بوجه الضيف ويدور ارضـاه ولاهو بيحسب للخسـارات بحسـاب=عن الرابعه والخرص ماتقصر اخطـاه ويضرب على الكايد ولاهـوب هيـاب=بعسرٍ ويسـرٍ تفعـل الطيـب يمنـاه ولما نصوه اوجيه عكفـان الاشنـاب=لهم لازمٍ يقضيه لو يصعـب اقضـاه ودايـم صـدوقٍ مابعـد قيـل كـذاب=صريح فصيح صاحيٍ صلـب فاريـاه وبالطيب يذكر عند ربعـه والاجنـاب=وبالذكر ترفع هامـة الـراس طريـاه وروزه ثقيـلٍ وان بـدا لازمـه ثـاب=وعاقـل دليـلٍ مستقيـم ٍابممـشـاه فطينٍ رزين ٍراكد احرص مـن الـداب=حلو مر زيـنٍ شيـن مـاراد سـواه وراس ٍومن روس ٍعلى ساس لا طاب=فلا هو غريبٍ طيب مثلـه وشـرواه ومن روس يام الي تحسب لهم احساب=جميع العرب غصـبٍ بليـا مراعـاه ونعم ٍ بهم لو هم عـدا جـد واجنـاب=بعيدين الاشبـاح السبـاع المضـراه ليانشفت الاريـاق ثـم كلـح النـاب=فيا سعد مـن صبيـان يـام ٍ دنايـاه سـلامٍ عليهـم حاضريـن ٍوغيـاب=واخص ابو سلطـانٍ بقولـي ومعنـاه صديق ٍمصافيني ومهما اطلبـه جـاب=بطيبه ينافس طيـب الـراس مجنـاه تحدا بالفعل الطيب من كـل الابـواب=وانا حسب قـدر المستطـاع اتحـداه وانا خابر انه حين يرمي الهدف صاب=لكن الوعد قـدام يلقـا وانـا القـاه وبعون الولـي خلاقنـا رب الاربـاب=عسى الله يساعدني على الطيب واجزاه وكل علـى طاريـه والطيـب جـذاب=ومن يفعل الحسنى يجـازى بحسنـاه ليا الله منعنا مـن مقاديـر الاسبـاب=فكـل يريـد الفـوز ولا المـسـاواه ورجل تمدح بالحكـي وهـو عقـاب=مصير الليال السـود تفضـح نوايـاه ومن عانه المولى على الطيب ماخاب=عسى الله يوفقنـا بعونـه وبرضـاه احب الوفا فان الوفا طبـع الانجـاب=ولا خير في من قال قـول ولا اوفـاه
|
بيض الله وجهك يالكاسر 00000000000000000اول مره اشوف القصيده أسئل الله عز وجل ان يجعل شاعرها في جنات النعيم |
مشكور والله يرحم حمد هادي
|
الله يعطيك العافيه يا الكاسر والله يرحم الشاعر الكبير حمد هادي المسردي شاعر قبيلة قحطان وابن بلال شاعر قبيلة يام يستاهل المدح وهو شاعر غني عن التعريف تقبل تحياتي اخوك الذيب
|
صح لســانكـ ..
|
مشكووور ولاهنت
والله يعطيكـ العافيهـ تحياتي.,’. |
( ليوم الجمعة )
يـــــــــــــــارب .. في يوم الجمعة وعدت عبادك بقبول دعواتهم فيه سأدعو لقلب قريب لقلبي .. اللهم ارزقه مايريد وارزق قلبه مايريد واجعله لك كما تريد ! اللهم قدر له ذلك قبل أن تأذن لشمس الجمعة بالمغييييب . آمين |
العافيه يا الكاسر والله يرحم الشاعر الكبير حمد هادي المسردي شاعر قبيلة قحطان
وابن بلال شاعر قبيلة يام يستاهل المدح وهو شاعر غني عن التعريف تقبل تحياتي |
تعمل شركة" لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . "
في مجال إنشاء المشروعات السكنية والإدارية ذات التنوع فى التصميمات والمساحات والأسعار وبما يلبى احتياجات جميع المواطنيين ومجال نشاطها الحالى فى مدينة القاهرة الجديدة إلا أن خطةلمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . المستقبلية هو التوسع بأنشطتها فى مدن السادس من أكتوبر والشيخ زايد والساحل الشمالى . وقد رسخت لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . مكانتها الرائدة في السوق العقاري من خلال ما أنجزته من مشاريع عقارية ذات المواصفات العالية. وقد تم خلال مسيرة الشركة الحافلة بالإنجازات تطوير عدد كبير من المشاريع العقارية وبأعلى المواصفات . الخط الساخن: 19317 لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . |
| الساعة الآن 57 : 03 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها